《學校裡面, 只能有一班生還》: 第四十九話：《再戰》

 鏡頭回到二樓飯堂的區域。

  「所以你地諗住我地而家直接了結你地? 定還是玩吓捉依因先? 」依亭用著嘲諷的語氣, 向著中六生說著。


   「肥關...似係冇得打...」豉油慢慢地退到中六生群之中。

    肥關只是佇在原地, 審視著前方對他們虎視眈眈的人。






   「你諗住逃走都冇用, 我地一樣都係會捉返晒你地返黎。」依亭一眼看穿肥關他們的用意, 繼續嘲諷著。

   「趕狗入窮巷! 」肥關忽然在原地大喝一聲, 便揮著刀向著依亭跑去。


   「列沚滔! 」依亭在一剎那的驚惶過後, 便冷靜地跑過列沚滔方向跑去。

    地上的水再次亮起藍光, 並朝肥關方向撲去。






    「小兒科。」肥關紮著馬, 迎著這一波的凌空水流。

   「根本就唔係咩新鮮事, 即使係特權, 同樣只係控制到水! 」肥關抹一抹臉上的水跡, 便朝著依亭走去。


   「月進浩! 」依亭大喊著。

   「頂, 唔記得仲有個識玩火...」肥關立時退後了數步。






   「我唔會...你畀我返上去。」月進浩冷然說著, 便逕自朝樓梯方向走去。

   「最恐怖係班中二, 識玩火。」在我旁的衛主席說著。


    說實話, 現在的我只能旁觀, 而我亦暫無必要出去拼。
   
    我不懂玩火玩水, 連自身的木也沒迸發出來。


   「衛主席, 芠芯, 方包, 我地要趁機完成個任。」Candy輕語說道。

  「嗯。」我答著, Candy不知道我已經完成了任務。






   在這地球之上, 應只有我, 跟阿宏的屍體知道我已經達成任務。

   「走! 」依亭避開肥關又一次襲擊後, 便朝還坐在原地的列沚滔襲去。


   「Kelvin, 豉油, 帶人上去, 必要時搵D低form做人質! 」肥關朝著在樓梯口的中六生說道。

   「你搞得掂? 」Kelvin大聲問著。


   「快! 冇時間! 」肥關喝著。

   「砰! 」一下刀光劍影, 截住了正在進擊的肥關。






   「我講過, 我要親手了結你。」周公瀟灑地從一角走了出來, 單刀攔住了肥關。

   「冇水你同條廢柴冇乜分別, 走! 」周公別過臉, 跟列沚滔說道。


   說罷, 他再接連了反攻肥關, 而肥關亦純熟地進行擋格。

   「我都差唔多。」江強在我身後說罷, 便動身一個躍馬, 加入了戰團。


    江強剛傷, 戰鬥力還沒回復完全, 此時的肥關勉強可擋住兩人, 卻不能以他的血肉之軀塞住樓梯口。

    「我地唔可以食花生, 上去攔住班中六。」Candy跟我說道。






    我看著衛主席, 看看他有沒有意見。

   「我去。」忽然, 久違了的Martin從我們身後出現, 帶著一把染血的刀。


   「嗯, 你地去啦。」衛主席說道。

   「唔好咁扭扭怩怩啦, 成個女人咁, 快啲唔係趕唔切。」Candy拉著衛主席的手。


   「唔去, 要去你地自己去。」衛主席依舊站在原地, 看著混戰中的人。

    「走啦Candy。」我順帶看著芠芯, 而她亦點了點頭。






    於是, 我們一行人便繞過混戰區, 「狗衝」上樓梯。

   「快! 唔係啲低form比佢地屠就...」我緊張說道。

   「其實, 我唔係驚啲人比人屠, 而係我驚佢地會搵到武器...」Candy邊跑邊跟我說。


   又是的, 學校生還者愈少, 就對自身愈有利處, 看來很多人包括我也忘記了這場遊戲一開始的初衷, 死剩四十人...

    我還是抱著一絲希望, 能靠自身逃離這場遊戲。


   「嗯, 佢地係中六, 普遍係有腦過佢地班低form, 愈多愈有腦既人就愈危險。」Martin亦說著。


    「啊...」我來到三樓, 卻被前方所發生的事物吸引了眼球。