《學校裡面, 只能有一班生還》: 第三十四話：《放蕩》

「啾! 」又一下的鞭抽聲落地。
  
  「打交呢家野, 我都懂少少架。」Kelvin再抽一下皮鞭, 向著前方兩人說道。
 
  「喝! 」忽然, Ring從廁格內踢出一個膠桶, 並踢向Kelvin。
 
  「死仆街玩偷襲?」Kelvin一個側身避開了膠桶。

 
  「Tiffany, 你搵機會走先, 唔洗理我! 」Ring發著狂喊著 並從褲袋抽出一枝匕首, 向著Kelvin衝去。




 
  「江強, 待我不薄。」Ring向著Kelvin發狂亂斬。
 
  「嘿。」Kelvin用著數個小轉身, 就輕易躲過Ring的攻勢。
 
  「啪! 」Kelvin對著Ring的頭, 一下轟過去。
 
  「永遠不會被承認既一對, 嘿。」Kelvin斜笑著, 看著滾在地上的Ring。
 
  「停手呀! 」Tiffany作狀想靠過去, 但又卻了步。




  「你夠膽一野鞭落黎! 」Tiffany對著Kelvin吆喝著。
 
   Kelvin直視著Tiffany , 手也停了下來。
 
  「我知道你仲未放得低, 係唔係?」Tiffany開始哽咽, 說著。
  「真心不騙, 你係為咗生存, 定公報私仇, 你問心! 」Tiffany罵著。
 
  「我剩係知道一個自知死到臨頭, 一個頭破血流, 都仲掛著扑野, 係冇得救。」Kelvin低沉地唸著。
 
  「你講野講得咁細聲, That’s mean你都唔肯定啦。」Tiffany說著。




   「你英文會長個功架返番黎啦喎。」Kelvin調侃著。
 
   「Shut up! 」Tiffany看著Kelvin。
   「我只係...我只係覺得還死掂死...點解唔可以對得住自己, 想扑咪扑洗你地say yes 呀?」Tiffany怒罵著。
 
  「如果我地係身處係一個故仔, 啲讀者無疑會鬧我死到臨頭仲掛住扑, 但係將心比己, 你地自知前路茫茫嗰陣, 點解唔做返啲野出黎對得住自己? 我生出黎比你地評價架? 」Tiffany愈放激動。
 
  「只能說你太放蕩。」Kelvin搖著頭輕歎。
 
  「Tiffany...」Ring在地上奄奄一息。
 
  Tiffany看著臥在地上的Ring, 眼淚只管一直下, 沒有作話。
 
  「我諗我就黎死...」Ring看著Tiffany。
 




  Tiffany拭一拭臉上淚水, 可並沒有大放嚎哭。
 
  「做咩唔慰問吓你條仔? 」Kelvin晃動著手上的鞭子說道。
 
   Tiffany只是苦笑了一聲。
 
  「Tiffany, 你老實答我。」Ring愈放輕聲。
 
  「你由頭到尾...有冇中意過我...」Ring斷續地問著。
 
  「哦, 忽然明咗啲野。」Kelvin在一旁狡黠地笑著。
 
  「你始終冇改過你既本性, 係咪? 」Kelvin看著Tiffany, 陰沉問著。
 
   Tiffany只是看著Ring, 沒有回答。




 
  
 
   「你答我啦...你答我就信架...」Ring痛苦地問著。
 
    洗手間內, 緩緩散發著血腥的氣味, 而洗手間外面亦安靜得異常。
 
  「多謝你一直, 仲有頭先, 比咗一個咁開心難忘既時刻我。」Tiffany走到Ring身旁, 說道。
 
   「可惜, 去到climax既時候, 就比個濕鳩打斷本小姐既興致。」Tiffany徐徐低下頭, 不住地顫抖著。