《學校裡面, 只能有一班生還》: 第三十一話：《算中有算》

特權紊亂, 這指甚麼?
 
   現在肯定的是, Tiffany很想除掉小皮。
 
   不肯定是因甚麼原因, 或許是因小皮是眾人之中唯一的中三, 先除掉他可以避免日後再有中三中四互鬥的情況。
 
   「第十五條, 生還故樓主正在狗衝IES。」廣播狤然問著。
 
    「乜野題目黎? 」Martin心裡盤算著, 並在桌底劃上交叉。
 




     如是者, 六位導演只是一直聽著廣播答下去, 並無甚麼異樣。
 
   「第十六條, 樓主心情現在十分煩躁。」廣播繼續問下去。
 
    只見各人神色同樣是十分煩躁, 並在枱底上指劃。
 
   「我要出去殺中六架, 係到困住晒。」Martin心裡開始著急。
 
    Martin一邊聽著廣播, 一邊不忘觀察其餘五人的反應。
   「第二十一條, 在場人士有人一直隱瞞自己真正身份。」廣播忽然用著一個刺骨的聲線發著問。




 
   「真正身份? 」Martin把自己的腦袋快速運轉。
   「係呢場遊戲....既真正身份? 」Martin環視著桌上人。
 
   「只有十秒...如果真係有人隱瞞身份, 咁佢就會劃圓圈, 但係佢地或者會唔敢博, 所以係唔明朗既情況下, 會打晒交叉..」Martin腦內的兩把聲音不停交戰。
 
只有不到十秒鐘的時間!
 
**
   「一個都唔可以留低。」Kason目露凶光, 看著踉蹌逃著的中六。




 
    數個中三提著刀斧, 朝著中六方向劃刀直劈!
 
   「列沚滔, 快啲埋黎幫拖啦! 」仇永諺一邊向著中六直斬, 一邊喊著列沚滔。
 
    列沚滔沒有回答。
 
   「好肚餓...」列沚滔看著關著的小食部, 雙眼彷彿發著光。
  
    「唔好入去呀, 上面寫住話違者刑辦...」Joanne在後張口大喊, 提醒著沚滔。
 
    列沚滔按著肚子, 朝小食部方向緩緩前進。
  
   「入面...魚蛋...雞翼...好香...」列沚滔嘴裡不停絮絮唸著。
 




   「唔好呀! 」家希同樣在後方喊著, 而前方的兵慌馬亂, 後方的人不能拉住他 而前方的人則只能專注斬人。
 
    刑, 指甚麼?
 
   到底本應在小食部的阿姨, 去了哪兒?
 
   不得進入, 用意又是為何?
 
   以上問題, 在此刻也變得毫不重要。
 
   因為列沚滔, 即將踏入小食部的範圍。
  
**
   只有不到十秒鐘的時間!
 




   Martin在桌底, 劃了一個交叉。
 
   限時過去, 可最使Martin懊悔的, 不是問題有多白癡。
 
   而是他看到, 衛主席正在直視著他。
 
  「我要動用殺人權。」衛主席淡然說著。
 
   「呢個笑容...係...」Martin回看著衛主席, 心裡想著。
 
    「佢動用殺人權, 證明佢有九成把握自己動用成功。隱瞞身份? 難道佢知道邊個隱瞞自己真正身份? 定係佢同樣劃著交叉, 係到賭我地全人類都答著同樣筨案。唔可能, 咁唔似佢。 算中算, 佢望住我, 肯定事有蹺蹊。」
 
   「由剛才中三四互殺既時候, 我都留意到佢既神情, 佢一直隱瞞著啲野, 到底...」Martin心裡, 快速推敲著。
 
    「照常理, 佢唔會殺我, 唔排除佢會覺得我阻到佢成為最後既四十人, 衛主席, 同你識咗咁耐, 你今次想玩邊套? 」Martin半抿著雙眼, 凝視著衛主席。




 
   「殺人權動用成功, 請選擇對象。」廣播冷冷說著。