《學校裡面, 只能有一班生還》: 第二十六話：《困獸鬥》
「睇黎情況唔多掂。」在Kelvin旁的耀俊, 這裡說著。
「後樓梯。」Kelvin做著口形。
「吼啊! 」無數中三生如狼似虎地握著刀, 向著他們一行人衝去。
「快啲走啊! 」同是中六的肥關喊著。
現場刀光劍影, 後樓梯入口非常淺窄, 基本上有部份中六都要待在原地跟中三的人玩著游擊戰, 還有自由搏擊。
身型魁梧的肥關, 留在最前, 希望可以擋到數個中三。
「肥關, 佢地有武器架! 」Kelvin在上層, 大喊。
「走啦, 唔洗理我。」肥關試圖像葉問般, 一個打十個。
「哎...扭...扭倒...」在樓梯口的中六師姊豉油, 摔倒在地。
「阿君, 快啲揹佢走! 」肥關奮力擋在想乘虛而入的中三, 一邊跟他同學說著。
「周公, 無謂保留體力啦, 呢個好難搞。」依亭說著。
只見周公舞轉手上那把長刀, 朝著肥關方向走去。
「阿君快啲呀! 」
「揹緊啦! 」
好不容易從南翼大閘進入的中六生, 都跑到上層去。
「哎...」肥關在樓梯口喘著氣, 他在擋著中三的時候消耗了不少力氣。
「快啲呀肥關! 」Kelvin在樓上大喊。
不消數秒, 周公已經走到肥關面前。
**
「唔好呀...」天娜跟一眾從三樓正門進入學校的同學抱起頭, 蹲下身子。
隨著廣播聲, 三樓大門亦已經關閉。
「唔好呀! 」槍聲已經響起。
列沚滔, 沒有半點猶豫。
「咦...」天娜摸摸頭, 絲毫無損。
「Yetta! 」天娜看著倒地, 不停淌血的Yetta。
「冇子彈...」列沚滔看著沒有反應的手槍, 咬牙切齒。
他知道子彈跟手槍是分開, 兩者是不同的獎勵。
因為鄰班的相同學Coman, 跟列沚滔同是好友, 而他在對決任務中得到子彈獎勵, 並相贈數粒子彈給列沚滔。
列沚滔冷眼看著蹲在地上的中六師兄姊, 還有剛才捨身相救的人。
「Yetta佢...」我看著這一幕, 心裡空白。
「我個天使特權,,,,比左江強....」我心裡生起少許悔疚。
「天娜...」Yetta氣弱地跟抱著她的天娜說著話。
「你做咩咁傻...你死咗...學校中辯隊點算....」天娜控制不住眶中淚, 跟Yetta說著。
「搵...搵出真相....」。
「到底學校發生咗咩事...你, 你啊! 做咩開槍啊! 」天娜向著列沚滔咆哮。
「我地學校...岌岌可危...」Yetta說。
「天娜...應承我...唔好死...」
「究竟發生咗咩事....」
「搵...搵出真相...」
我聽著他們的對話, 鼻頭不禁一酸。
為同伴放好屍體的Yetta, 明明沒有幹甚麼壞事, 為何要落得如此下場?
「我會冇事....」Yetta喘著氣說道。
「點解...到底學校...」
「靠晒你地....」Yetta說罷, 便再沒作話。
「啊!!!!!!!!!!!!! 」天娜緊緊擁著Yetta, 不住抽泣。
「到底發生咗咩事? 」在前方的腳毛師兄, 試圖從列沚滔身上套出話來。
「我唔可以比你地入去。」列沚滔認真地向著前方人說著。
「咁我地就偏係要入, 恕我冒犯。」腳毛跟數個師兄, 向著列沚滔衝過去。
現在大堂, 兵力只有列沚滔一人。
腳毛耍著詠春拳法, 顯然是「食過夜粥」。
「江強? 你地唔係落咗去呢咩? 」我看著從我上方下來的江強, 還有數個男同學。
「拎多啲武器穩陣啲。」江強咧著牙笑著。
「咦? 列沚滔....」江強看著一個人沉著應戰的列沚滔, 說著。
「其實佢做咩? 」我看著江強。
「佢殺咗我地級好多人。」阿暉答著。
「我同佢打, 分分鐘唔夠揪。」江強半抿著雙眼, 亦提著刀子, 領著阿暉他們下了樓梯。
**
「點解東翼會冇晒人? 」中六的OG, 與其一行人進入了東翼範圍。
「道門刪咗。」VA看著大門, 已經給牢牢關上。
「前面。」OG看著沿著樓梯上方, 目露凶光的中五學生。
「拎晒刀咁。」咖喱看著前方人, 也不禁退後數步。
「冇得走。」VA看著大門, 冒著冷汗。
中六生知道自從半年前至今, 中五就只有兩班。
人數畢竟有限。
「發生咩事? 」OG嘗試冷靜自己, 看著前方步步進逼的同學。
「走! 」Jasper跟咖喱擋著衝了上前揮斬的數個女生。
「發生咩事? 」OG嘗試突圍。
基本上倘若進入了東翼的中六生沒有給清除的話, 全校同學都危在旦夕罷。
剛才的那群中六生, 皆是受他們的英文老師Miss Miu所託回校備試, 或是替還沒考的同學備試, 當小組討論的「櫈腳」。
為何會有些中六生, 會先行進入東翼? 東翼最上層有兩間自修室, 善用那兒當備試室是很多老師的不二之選。
要替全級備試, 兩間自修室恐怕不夠空間, 故此亦有同學會物色學校飯堂, 那些一張張的圓桌還有飯桌當備試空間。
進入東翼範圍的, 大都是6W的學生, 當然亦有混入其他班。
他們就是一隻又一隻, 進入陷阱的豬, 將會被獵人逐隻逐隻捕殺。
也許, 進入了東翼的那群相對上會比較幸運, 因為駐在東翼的中五生已經先失兩班, 還有就是投票環節又死了一大截。
而中六的OG還有Jasper等人亦不是蓋, 可算是能看能打。
而進入主樓跟南翼那邊, 就惟有聽天由命。
「究竟學校發生左咩事? 」Jasper一邊跨著梯級, 一邊問著。
「呀!!!!」一把慘叫聲從後方傳出。
「盛康俾人捉住左。」VA在盛康前, 嘗試伸出援手。
「走啦, 佢地拎晒刀咁, 唔走就...」咖喱跟在後方的VA說著。
VA身型雖壯, 但同時亦因為體積大, 容易被捕住。
「啊! 」VA也發出一聲哀嚎。
「等你地走得咁爽。」一名女生在後方, 扔出一把刀, 剛好插中VA背部。
一眾中六生, 正在走難, 逃命, 為自己的生命, 還有為這間學校...