《學校裡面, 只能有一班生還》: 第二十三話：《黃土》

 中一的課室, 跟中四三班的課室位於同一層, 故此中四的人想跟中一的人相互照應亦非常方便。
 
   「欣, 你地班...」令雪看著屍橫遍野的課室, 屍臭逐漸佔據整個課室。
 

  「剩返你一個? 」令雪面色凝重, 低頭看著小師妹。
 
  「唔係...其他人應該落晒去做任...」欣語帶抽動, 無辜地看著師姐。
 
  




  「得啦, 呢個遊戲好快完, 信姐姐。」敖欣擁著令雪, 兩人不禁悲慟地痛哭著。
 
  「師姐, 你唔會死架可? 」敖欣抽泣問著。

 
  「唔會...我地一定可以做到最後嗰四十人。」令雪同樣激動地回應著。
 
   此時1B的課室, 也只剩這兩人的身影。
   
 




  「係呢阿欣, 你飲咗藍色之後, 有冇咩任務獎勵? 」令雪誠懇地向著小師妹。
 
  「冇喎...佢剩係同我講咗任務達成....」
  「冇話比咩特權你咩? 」
 
  「冇吖...」
  「咁奇怪? 」
 
   唸中四的令雪, 同樣在任務達成之後, 獲得了木之特權。跟她同學們一樣, 沒有任何解釋在「木之特權」四字旁。
 




  「Abbie...你地返咗黎喇? 」敖欣看著門外用著鐵盾, 拼命擋著來勢洶洶的同班同學。
 

    「得返你一個咋...」敖欣言語中充滿傷感。
 
    「有啲死...有啲係第三批...」Abbie無奈答著。

 
    「Abbie, 你地完成咗任務之後, 有冇話收到咩獎勵? 」令雪問著Abbie。
 
     只見Abbie搖搖頭, 應是對令雪之疑問感困惑。
 
   
     令雪在陪伴敖欣上來之前, 已經略為打探過各級情況。她知道中二任務成功後會得到「火之特權」, 中三為「水之特權」, 自己級獲得「木之特權」, 中五就是「金之特權」。
 




   那顯然就是因為我們學校是根據五行元素金木水火土來為年級定名, 每一個級代表每一個社, 而社名則需跟從五行的字為部首邊旁而命名, 例如橦, 或溰。

 
   那社名, 到底跟特權, 還有跟特權又有甚麼關係?
 
  「呢個遊戲, 係一早編排好...」令雪想到這兒, 忽然想到這個結論。
 

   這個五行改社名的運作, 由老早都已經訂立至今。
 
   令雪看著中一的學生, 心裡為他們並沒有得到一個類似「土之特權」的東西感到十分不安。
 

   因為肯定又會多一事。
 





   畫面轉回4B課室之內, 

   「小霍, 原來你地係第一批, 頭先唔見你? 」Tiffany在4B課室, 問著與她同, 4G的小霍。
 
   「佢有開隔離房。」小霍用著一雙明亮的雙目, 看著Tiffany答道。
 

    4B課室, 人數越漸越多, 可都沒有投完票後的人數般多, 這意味著這個任務也弄死了4B的同學。
 
   「就搭3, 要好好諗吓之後要點做。」Martin狀甚認真, 向著眾人說著, 特別盯著衛主席。


   「首先, 我地有好幾個謎團需要正視。」衛主席說著。
 





   「呢個遊戲肯定係早有安排, 係咩人安排? 點解要玩呢味野? 我地係咪真係要死剩四十個人? 仲有, 乜野係人類天使特權, 仲有金木水火土特權又咩黎, 頭先見到林sir 係bio lab, 到底老師係呢場遊戲入面, 知道幾多? 又係咩角色? 」衛主席連珠炮發地跟著眾人說著, 頗像他平常的風格。

 
   「唔係, 中一既人收唔到本應係佢地社既土之特權。」屬於第二批測試的Iris想著。
 
   「仲好講...好彩係最後有人估到係跟班色。」莉華僥然說著。

 
  「喔? 你地嗰邊都有人估到, 邊個有中三嗰個全級第一咁勁? 」Martin問著。
 
  「都係中三, 好似叫Kason, 仲有佢隔離個仇永諺。」淑惠補充。
 
   「唔係下? 」忽然, 江強使勁地跺了跺腳下的椅子, 發出脆亮的聲響。
 




 
  「條茂利仲未死...」江強握著雙拳, 眼裡猛然迸發出怒火。

  「冷靜啲先。」我強顏歡笑, 試圖讓江強冷靜。

 
   「話說, 樓上咩環境, 我指中二。」衛主席問著。
 

   「矮冬瓜, Panda, Candy 仲有晶瑩同Marco都好似係上面幫緊手, 令雪就同嗰個敖欣啦。」芠芯說著。
 
   「你冇事喇...」Martin別過臉, 跟身後的芠芯說著。

 
  「還好啦...唉, 喊係無補於事既。」芠芯擠出了一個笑容, 回應著。
 

  「點解會冇土之特權? 」衛主席低著頭, 環視著各人, 像苦思著。
 
  「中六都係黃色, 但係佢地全部唔洗返學....」Martin看著衛主席。
 

   衛主席亦同時瞪大雙眼, 看著Martin!