《學校裡面, 只能有一班生還》: 第十六話：《整理》

「Martin, 你都投咗李sir? 」衛主席問著。

   「咁Iris嗰啲叫到, 又冇人叫我投伍老師, 咁冇理由唔投李sir既。」Martin坐在座位上, 用紙巾印著手肘上的傷痕, 說著。
 

   「你根本知道李sir一定多票過伍老師。」我一進門口, 聽到以上的對話, 就這樣跟Martin說著。
 
   「點都好啦。」Martin陰惻惻地回應道。

 




    我來到4B課室, 乍看之下, 雖然同學無疑會較原先的數量少, 但損失的數量可比我想像中少很多。
 
  「係呢, 你試過殺人既滋味未? 」我盯著坐在衛主席位前的Martin, 問著。

 
  「有, 嗰個人, 姓海名洋, 好特別既名。」Martin無畏地看著我, 像是為自己殺了人而自豪。
 
   「話說Iris班4G友而家係邊? 」衛主席問著。

 




   「日頭唔好講人。」話剛未落, Martin等人瞧見Iris走了進來。
 
   「講我啲咩? 」Iris逗趣地笑了笑。
 

   「我地幾時落lab?」在旁的莉華忽然插嘴。

   「有成粒鐘喎莉華。」Martin回應著。

 




   「冇, 睇吓你地4G而家係邊啫。」衛主席直視著Iris, 說道。
 
   「我諗我地係時候, 要重新組織吓到底學校發生咩事。」Martin表情忽然直轉嚴肅, 看著眾人。
 

  「嗯冇錯, 我先講一講毒氣房。」Iris說。
 

   Iris將她們從各班拯救的事都像述職般說著, 大概就是幾乎沒有班別可以猜中那堆數字背後的含義。

   其實, 也真是非常考腦筋。

 
   「唔該晒Iris。」看Martin樣子, 已經進入了沉思狀態之中。
 




「我地到底有咩資格成為幸運兒...我地有咩資格去感受每一下既心跳, 點解...點解....」芠芯用著紙巾印一印眼眶位置, 抽著泣說道。
 

   看來, 芠芯還沒平復她的心情。
 
   無疑對她, 或是對女生來說, 衝擊實在太大, 也來得無奈。
 

   在此刻, 我只知道要盡快把握時間, 先到達生物實驗室進行任務, 保著小命。
 

   「嗯? 」乍然, 我瞥見衛主席的一個表情。
 
    一個似是有線索在手, 但卻不欲公開, 只希望自己尋求答案的表情。
 





   從他剛才聽Iris說的線索, 我也就感覺到。
 
  
  「仲有, 啲中一啱啱先入黎, 鬼識咁多野, 咪全軍覆沒囉。」在旁的淑惠亦補充道。
 
  「其實陸運會呢個答案真係有啲易, 洗乜毒死佢地, 不如佢地自殺算啦。」江強捏動著自己的雙手, 並發出咯咯的聲響。
 
   
  「又唔見你答啱既? 我剩係見到你嗰陣踢道門咋喎。」Martin調侃著。
 

   課室傳來短暫的歡愉笑聲。






   另一邊廂,

   「話說Jasmine。」3B班的Gary問著雪彤。

   「嗯? 」
 
  「你地係邊到攞到咁多武器? 就算集合晒學校啲刀刀叉叉都唔會有啲咁精緻既武器。」Gary一臉疑惑, 問著。
 
   「你傻架? 咁你咁講, 我都唔知點解無啦啦間學校會比人搞成咁添啦, 係唔係咁講呀? 而家我地就係一路要聽佢講, 一路諗發生乜事。」依亭在課室裡忖著Gary。
 
  「依亭。」Myra剛在課室外進來, 周公則為她們用盾牌擋著。
 
  「講野。」






  「查過, lab嗰到應該係冇伏, 暫時仲未有人落去, 但係我同Vinci頭先留意到小食部出面貼住咗張紙, 寫住咗非請勿進, 違者刑辦。」Myra說道。
 
  「仲有, 今朝係到嗰啲小食部阿姨, 而家係不知所蹤既。」Vinci補充。
 

  「啲老師都唔知去晒邊啦, 唉。」依亭沒有把目光投在她倆身上, 逕自說著。
 
  「我諗係時候要落去。」周公半抿著眼睛, 看著依亭。
 

  「嗯。」依亭微微地, 點了點頭。