《學校裡面, 只能有一班生還》: 第十四話：《投機》

 有一群中五生, 正在走進3B課室。
   
    「好多死屍...」

    「啲人呢? 」有人問著3B課室還活著的人。

 
    「一係係3R, 但係最多人都應該係3W, 麻煩你地載埋我地上去啦。」一位男生, 咧
著牙笑著道。
 




   「Kason, 我頭先用咗天使特權救咗你, 你可唔可以叫埋佢地落樓下接埋永諺佢地吖...」在旁的一位女生, 說著。
 
 
   「接晒你地上去都得, 但係要輪流。」中五生抹一抹額上的汗, 說道。


    另一邊廂, 

 
  「喝! 咪亂黎! 」只見在依亭後的周公, 一手按緊雪彤電話, 右手成手刃狀, 架在依亭頸上。




 
  「我想攞返部電話俾佢啫, 洗唔洗咁大反應?」依亭怒睨著周公。

  
   周公同樣只是用眼神回敬她。
 
   雪彤連忙從周公手上取回電話後, 同樣按下天使特權按鍵。
 

  「人類有咩能力可以禁個制就醫得好人? 」依亭自語著。






  「但係佢地復活唔到死人。」周公在旁, 接著嘴。
 
  「出面就幾個中五既想入黎。」在門旁同樣療著傷的男生報告著。


   依亭點點頭, 示意讓他們進來。
 
  「我地係想幫伍老師拉票。」剛進門的人這樣想著。


  「理由? 」Vinci放下了手上手來抹血的紙巾, 說道。
 
  「我地成級中五如無意外都會投伍老師, 你自己計數啦。」一個中五這樣說著。




 

   「但係李sir唔可以肯定佢有冇票倉喎。」另一名中五搭著口道。

 
   「而家離要投票仲有幾耐...」Gary緩緩站著身子, 說道。
  
   「應該仲有35分鐘到。」雪彤看著中五那方, 回答道。
  

   「嗯, 我地會架啦, 你地爭取時間去其他級到宣傳啦, 話說? 咁其他級呢? 」依亭一臉誠懇, 用著跟長輩的語氣說著話。
 
   「嗯, 啱先見到有幾個中四應該係幫李sir, 然後佢地就上咗樓。」一名中五答著。






   「嗯, okay, 想得個知字啫, 我地會投伍老師架啦。」依亭點著頭, 滿臉笑容。
 
   「咁好啦, 我地去其他年級到先啦。」中五答著, 並架著鐵盾, 慢慢離開課室。

 
   「我地真係投伍老師? 」周公一臉狐疑, 看著依亭。
  
   「所有人同我準備紙。」依亭一臉冷靜, 眼神流露出各種計算。

 
    「投‧李‧sir。」依亭字字鏗鏘。


     來到中一拉票現場,
 




=26px  
   「咁多位中一同學, 跟我地落去同姐姐投票啦。」
 
   「唔洗驚架, 姐姐帶你落去投票。」
 

    中四地緣, 只要架盾就能輕鬆跟中一二生接觸。
 
    當依亭套口風時, 知道中四的人已經決定投靠李sir的時候, 心中早就定了決定。中五本來人少, 再加上他們已經取道希望爭取中三支持, 自然就能計算到中五生諱忌中四生那處, 又或是再在更晚的時間才上去拉票。
 

   人類, 是一種先入為主的生物。
 
   你跟敵人要跟上司打對方小報告, 你會取先手還是後手?
 





   答案不言而喻吧, 人類總是先取信最先接觸的資訊。
 
   價值觀, 信仰, 觀念, 知識, 統統都是。

 
   故此, 依亭知道投票給李sir才是良策, 亦是投機之策。
 

   眾人來到大堂, 投票箱處。
 
  「中三, 你地撐邊個? 」
 
  「中三, 你地撐邊個? 」兩位老師幾乎是同時間發問, 聲音重疊得很逗趣。
 

  「過多陣咪知。」雪彤笑著, 把紙張投入箱內。
 
   時間一分一秒過去, 不知何時, 廣播聲做成了人們心靈某程度的倚靠。
 

   因為遊戲主持人, 總會在帶來任務的同時, 還會該死的帶來一些「窩心」的提示。
 
    其實, 依亭心中還有一個算計。
 

    當中五的人因支持錯人而被罰死掉, 變相可以減少在校內年長過中三同學的人數, 控制統籌都容易些。
 
    雖為順便之利處, 都可謂一箭雙雕。

 
   「好啦各位, 投票時間結束。」廣播聲, 於十時十五分, 再次正式響起。