《學校裡面, 只能有一班生還》: 第十二話：《聯盟》
「我冇殺人, 點解我唔洗死...」還坐在4R課室一角, 氣若游絲的Candy, 看著電話說道。
「必須被殺...唉, 啫係唔一定要親手啦, 連之前比人毒死嗰啲都應該計埋...」Candy摸摸自己的頭, 暈眩感已經較之前的消退不少。
「Candy, 你醒啦。」Candy認出眼前的是4B班的晶瑩, 她那招牌的中西混合兒面孔, 認不出的可以驗驗腦。
「嗯, 你冇事既? 」Candy問著。
「唉, 其實都唔知係好事定壞事, 江強班人知我一定唔會去殺人, 就逼我講我目標個名...咁我而家冇死到...唉, 算啦。」晶瑩答著。
「點解冇人報警...」Candy含糊地說。
「我地試過好多次, 除咗收主持人短訊, 同間中可以收到同學之間既短訊之外, 同唔到外界聯絡。」晶瑩神色擔憂, 答道。
「或者今次, 全校都會冇命...」在老師桌上, 同樣是4B的Panda用著貧嘴的語氣說道。
「而家要投乜都唔知, 玩毛毛。」Panda托著腮, 樣子顯得十分不悅。
她對甚麼事情皆易感不悅。
還有, Candy跟Panda之間, 有女人獨有的孩子氣過節。
說淺非淺, 說深非深。
「踏踏踏...」外頭忽然傳來急速的腳步聲。
「邊個?」Candy緊張兮兮地問。
「唔洗驚, 係通信佬。」Panda破著口跟Candy那方說著。
「大家好。」那個生得酷似冬瓜的小胖子, 進入了4R。
「Tiffany叫我地係2G集一集合先, 成個中二既生還者都會移遷去嗰到。」小胖子說。
「唔驚畀其他別有用心既人殺死? 」Candy疑惑問著。
「我地有裝備既。」小胖子舉起不知從哪來的鐵盾, 說道。
畫面來到中一樓層。
「各位同學, 你地好。」在1G班的門外, 忽然響起一把低沉的男性聲音。
是李Sir。
4G班的 Iris看著李sir, 顯然感到有點錯愕。
她正在為中一生施救。
「我係今次被抽中要爭取票數既老師之一, 另外嗰位係伍老師, 阿伍美麗。」李sir 對著課室說道。
李sir 跟伍老師, 分別是學校有名的維新派和傳統派。
兩位老師同教一個學科, 但兩者教學理念南轅北轍, 一個主張中學考試是為了追逐大學自由的夢, 在社會貢獻, 為自己爭取立錐之地; 一個主見用知識滋澗學生心靈, 主打培育其人格, 修養才是最重要, 分數是某程度的浮雲。
故此, 兩人開會時意見不合, 鬧上校長處, 相互口誅筆伐之事, 並非新鮮事。
這兩人各自要爭取學生支持, 有趣, 而且諷刺。
「Iris, 我知你會撐我既, 係咪? 」李sir用著跟平輩說話的語氣, 道。
「我有命出去梗投你。」Iris笑著, 說道。
「Iris, 我同淑慧有啲野想同你講一講。」同樣跟李sir相熟的莉華, 在旁招著手。
Iris, 莉華, 還有淑慧擔當著1G救援的工作, 還有, 她們都是4G毒不死去的其中倖存者。
「我地要點集票俾李sir?」莉華問著。
「係囉, 而家危險四伏, 出唔出到班房投都成問題。」淑慧語帶不安說。
「咁唔通唔投咩? 」Iris問著。
「而家成校立立亂, 中一二又唔知發生咩事, 只要將啲中一二group埋一堆, 再安排佢地去投票, 咁咪得。」Iris提議。
「一於咁話。」莉華答道。
鏡頭來到中五, 東翼之地。
=26px
「衰仔衰女, 起身喇, 唔好訓呀。」班主任老師, 用著慣常的語氣, 呼喝著5R的人。
5R班, 同樣是猜不出答案。
有部份人經已返魂乏術, 而課室內有些5G的人正在救援。
5G是第五班可以逃得出課室的班別。
「而家呢個乜鬼任務...」一名男同學按著自己的前額, 他在暈眩之前不慎摔了摔, 幸無大礙。
「係呀, 我要同嗰個李sir鬥呀, 5R義氣仔女, 唔係唔幫拖下? 」伍老師焦急地在課室喊道。
「我地未必夠票喎。」一位同學, 語帶擔心地說道。
「呢層唔洗擔心呀。」伍老師信心滿滿地說。
「拉票既事, 我諗你地要盡快同中四中三唔熟李sir既人夾吓。」伍老師說道。
「因為我好肯定, 我同佢都冇一個好確實既票倉, 班中六又走晒去dse, 真係唔抵! 」主責教高年級的伍老師, 說著這句。
春夏之交, 師門之戰, 一觸即發!