《藝文青》Vol.1: 【肉食者鄙】懶貓奴卡卡《冰桶挑戰》

《冰桶挑戰》/懶貓奴卡卡
 
大家好，今次係小弟寫既第一篇文章，請容我先簡單介紹自己。咁其實小弟就係一個懶鬼黎既，書就讀得唔多，難得朋友睇得起我邀請我合作寫作下，希望我既文字可 以滿足到大家啦！
 
近日比較多人參與既活動除左反佔中大遊行（好似係）之外呢，Ice Bucket Challenge應該都榜上有名。呢個活動最主要都係為ALS（漸凍人協會）宣傳募捐，亦都俾大家了解下呢個病，詳情唔多講啦，直接開門見山啦。
 
其實，今次呢個公益活動既真正目的似乎已經被忽略，轉而成為左一部分人宣傳自己、博上位既機會。呢班人多不勝數，我都懶得數，但係大家主要既焦點似乎都放錯左位置（雖然大家都應該好鍾意睇），例如係女星或者模特兒既濕身透視、玲瓏浮凸既身材、俾人邀戰唯有找數、圍威喂玩下就算等等。而果部分人可能冇呼籲大家去捐款參與呢項咁有意義既活動，又或者純粹只係為左找數（尤其係開場白就話：「我而家找數喇！」），而且大家都唔知道其實佢地有冇捐錢。
 
當然，我都希望佢地真係有捐錢啦，因為今次活動既目的，係想大家捐錢，同埋多啲關心患上一啲可能未為人所熟知疾病既朋友，夾胸、Show身材就留返適 當既場合做啦！