無愛之幕- 在幕下結合的我們, 或許在茫茫J海中再也找不到對方: 第九章: Ada III

第九章: Ada III

「唔使估啦,我結左婚啦。」Ada好像知道我在想什麼。
「咁你點解...點解會嚟? Ada,你有無諗清楚?」我禁不住問她。

其實我不必問, 既然她選擇了來, 就代表她心思熟慮過。只是, 正所謂盜亦有盜, 我認為做人一定要有底線。無愛之幕的底線就是, 參與者必須清楚知道自己的意願, 參與的後果。而對於Ada, 我忽然想要憐香惜玉。如果Ada因為無愛之幕而留下悔恨, 我一定會感到愧疚。

「我老公係ibanker, 佢娶我個陣係對我好好,口甜舌滑, 但係結左婚無耐, 佢對我已經無哂興趣, 無論我打扮得幾咁花枝招展, 佢都唔望下我一眼,晚晚都話要應酬要夜返, 其實我一早知佢出面有女人。」Ada的語氣很平靜, 好像在述說一個不屬於她的故事。

我心裡一點也不驚訝, 我由小到大已經聽說過無數個相似的故事。




一個美麗的婦人, 一個有錢的丈夫,每個晚上差勁的藉口和很豬或是很美的第三者。

「開頭我真係好傷心, 但係依家我okay啦, 不過, 佢不仁我不義。既然佢係出面搞女人, 我都可以搵男人。」Ada說得理直氣壯。

老實說,平時的我可能會同情男人的出軌而覺得女人的紅杏出牆是十惡不赦。我承認在自己內心男女是不平等的, 特別是性生活上。只是, 這次, 聽罷Ada所說, 我心裡滿是對Ada的同情, 心中不斷暗罵那男人。

一朵鮮花插在牛糞上。有個咁正嘅老婆都唔搞, 係都要擴大市場佔有率, 有無搞錯? 你同大地產商有咩分別? 自己本身已經好搵好食, 仲要食埋人地個份, 對於, 我哋呢班打工仔, 選擇又少左嗽,確系認真濕滯。然後自己又玩弄法律, 將老婆私有化, 私有化之後又唔關心佢, 咁同藥材鋪囤積奶粉有咩分別?

不知不覺, 我竟然將生活上的怒氣都遷移到他身上,心跳加速,呼吸愈加沉重。





「你好緊張咩, 呀John? 陣間我同你搞呀?」
「Oh, 唔係, 你唔記得左, 參與雙方理應係唔知道對方嘅樣貌嘅。」
「係咪真架, 你哋啲男人用下半身思考, 為左搞女人咩都得, 我點知係咪你陣間戴上面具嚟搞我?」Ada的媚眼連連對我送上秋波,我紅着臉, 有點大失所措。