無愛之幕- 在幕下結合的我們, 或許在茫茫J海中再也找不到對方: 第二章: 羅爾斯的啟示 I

第二章: 羅爾斯的啟示 I

「你估佢點應我? 個大隻佬可能聽唔明廣東話啦, 個女仔大爆發咁, 毫無保留。『你個XX 毒X, 你唔X 係呀, 你溝過女未呀? 你摸過女仔未呀? 你個毒X 睇你都仲係處男, 剩係試過係屋企上咸網啦, 女都未追過就學人帶女去開party? 仲要係叫我...你知唔知道你侮辱緊我?』」

一聽完, 我目瞪口呆。
「無可能, 有無咁誇張? 個女仔傻架, 定係你老作? 有咩可能佢會咁直接?」
「我個時都以為所有嘢都係我幻想嘅, 但係, 佢真係咁樣講, 可能佢覺得, 我同佢講嘢都係一個莫大嘅委屈啦。」
「咁, 你點應佢?」
「我咩都無講...因為我真係好傷心, 佢嘅說話又真係唔錯得哂。我又真係未溝過女, 未摸過女仔,剩係試過係屋企上咸網。我聽完佢講, 眼睛即刻濕哂, 視野清楚番嘅時候, 佢已經唔知走左去邊啦。」 CK 夾了一塊火煵, 看了很久。
我心裡既覺得 CK 很勇敢, 敢於承認真實的自己, 另一方面又覺得他很可憐。




「其實, 火煵肉都係肉, 同牛肉雞肉一樣, 有佢嘅食用價值。」 CK 淡淡地說。「宅男毒男都係人, 點解唔可以有愛情? 雖然我樣子唔討好, 但係我都有性慾, 我都想識女仔, 點解呢個世界咁唔公平? 係咪只有靚仔先可以約佢? 我都唔想剩係睇咸片。」
這個時候, 我亦看着那塊平平無奇的火煵肉,內心深深的被CK的說話震撼着, 心裡一直相信的公平公義這些價值好像一下子被衝擊得搖搖欲墜。

The world is fair. The world is not fair.

我想起了課堂上學到的政治哲學。 我在大學選了讀政治哲學這一門課, 就是因為我相信大家可以透過一些政策, 通過貫徹一些我們共同相信的理念, 而令社會更加公義和平。命運是多麼難料。然而只要我們站在一個共同的平台一起思考我們的公義, 無論命運是如何難料, 我們都可以相依而活, 相濡以沬。這就是公義。

可是, 傷殘人士可以得到社會的特殊支援, 老人家婦孺可以得到同情和特別幫助, 那麼醜的人毒的人矮的人呢? CK 雖然不太英俊高大, 可他也應該有享受性生活的權利。 我內心愈來愈激動, 這一群被社會忽視的人, 我們欠了他們公義。 

我背包裡有一本羅爾斯的正義論, 厚如聖經。




「CK, 別氣餒,我會幫你的, 我會還給你正義。」我一隻手拿出了錢付了帳單, 另一隻手伸進袋裡握住正義論,默默地祈求: 羅爾斯,給我力量。