其實……我地係咩關係？: 第三十七回──其實……我地係咩關係？

第三十七回──其實……我地係咩關係？
「係呢，你約我出黎又話有重要野講嘅？」這次是她打開了話匡。
 
「嗯……其實我想同你傾下我地兩個嘅關係……」
 
我倆同時放下了餐具，好像嚴陣以待，蓄勢待發一樣。所以我決定再一次打話匡……
 
「我地識左咁耐……我地一次出過街、睇過戲、食過飯，我地亦都試過……」
 
「and? 」


 
「我地曾經一齊開心過，我地考試嘅時候一齊努力過……」
 
「你想同我拍拖……？」
 
「我唔明白點解以前可以做嘅野，慢慢變得唔可以做。我地表面上所做嘅野好似冇變，但單憑唔好比我鍚呢個事實，我已經覺得我地唔同左……同埋你有冇發覺我地係戲院以外嘅地方，從來冇拖過手，即使係長洲果兩日都冇……」
 
「……」
 
「我真係好鍾意你，我之前返學，衣家返工，冇一刻唔係掛住你……我時時想搵你，但係你時時都好耐先覆，好似我煩住你咁……之前我地晚晚會傾電話，衣家你就十晚有九晚都攰……」


 
「咁真係忙同埋攰丫嘛！」
 
「我只係想聽一聽你把聲姐……五分鐘都冇所謂嫁……」
 
「你知我屋企時時都收得唔好嫁啦……之前都試過收唔到啦……」
 
「我明白……」
 
「你明白就最好啦！」


 
「我只係想問一個問題……」
 
「……」
 
「其實……我地係咩關係？」
 
「……」
 
「朋友？情人？愛人？還是……咩都唔係，只係人生嘅過客？」
 
「我……覺得……我地……係……曖昧……」
 
我沒有多言，因為我自己從來沒想過這個可能性，又或者可能是大腦的潛意識把這個最有可能的答案埋藏著。或計，原來這已經是最好的答案。這是一個能夠讓我倆都解脫，而又最不用負責任的答案，或是最能讓我倆繼續的答案……
 


我沒有多做動作，只是站起來……上前兩步，走到她的面前，雙手放在她的肩上，彎低腰，再次取得她那寶貴的吻……
 
「不如……我地……試下拍拖……」
 
全文《其實……我地係咩關係？》完