其實……我地係咩關係？: 第三十三回──否定

第三十三回──否定
看完戲，帶了她到某日本餐廳吃過飯後，我認定了她下次約會的時間，就定在兩星期後的星期日。因為兩星期後，某電影上映了！我知道她期待已久的……
 
「不如到時早啲睇，好唔好？」我問道，因為正常情況而言，較早的場次人比較少……
 
「好呀！早場仲好啦，少啲人」她竟然道出了我的心聲。這是否代表她知道了我的意圖嗎……？
 
接下來的兩星期，她照樣如常上班，我也是閒時休息，或是做一下Freelance。但我從沒有到她工作的地方探望她……原因我到現在也不知道，明明自己時間多的是，但仍是沒有到過那間惠康看看她的工作情況。可能取一條糖，然後到她負責的收銀處，看著她努力工作，我也順道在她找錢時摸一下她的嫩手，這已經很快樂……但可惜的是，當時的我並沒有這樣做……
 
「聽日十點幾睇戲，睇完先食野定係我地食左少少野先睇戲？」


 
「睇完先食啦，反正朝早都唔食得太多野」
 
「係咩 #hehe# 你果時係長洲朝早食好多野啵 #hehe# 」
 
「嗯……」
 
「咁我照樣買左飛先？雖然早場應該冇咩人睇，衣家睇個場都係得小貓兩三隻」
 
「你喜歡啦 :) 」


 
「咁我買左先啦，反正都係比多十零蚊姐」
 
「嗯！」
 
「咁聽日十點又一城溜冰場等啦」
 
「ok!」
 
這樣，我倆就約定了。


 
在溜冰場等待了一會後便看到她的身影。這天的她穿著粉紅色的T恤，下身是一條普通的牛仔褲，頭上仍是那黑、長、直。但吸引著我的是那頸上的一條花狀項鍊。
 
項鍊類似：
 
雖然很少，但卻閃亮得不正常。不是那項鍊很貴，上面的竇石很罕有，而是這項鍊跟她非常相襯，她的氣質為項鍊帶來昇華。
 
「早晨！你條鍊好靚啵，好貴嫁？」
 
「好平嫁咋，Facebook有啲鋪頭有得賣嫁！」
 
「哦！真係好靚，唔止係條鍊靚，戴係你身上，條鍊比得更靚！」
 
「口甜舌滑！」雖然口裏這樣說，但我仍看到那掛在她臉上的自滿笑容。這時的我，心也甜了……
 


進入戲院後，我倆仍舊坐在角落位置。現在想回，明眼人也知道我倆的意圖吧……
 
由於戲院只有幾個人，而角落位置也沒有太多人會留意。我加快了進程，卻想不到那如此不希望的後果……
 
我慢慢把頭靠近她，想親她一下……她沒有用行動回應我……而是……
 
「做咩野？」
 
「想鍚你……」
 
「唔想呀……」
 
這條等待了兩星期的問題，最終答案是否定的……究竟是不是我的問題呢……？
 
下回《認命》待續