其實……我地係咩關係？: 第八回──第一次

第八回──第一次
那個星期五，我們約了在旺角百老匯戲院看那套爛片。在大堂等了十五至二十分鐘，期間先去取戲票，很快就見到一個穿了一件白色連身校服裙，在外加上一件淺啡色背心冷衫的少女在我面前出現。面上仍是一點化妝品也沒有，頭上綁上了一條小馬尾，素顏、馬尾加上校服令她看上來顯得更清純。

「等左好耐呀？唔好意思呀，補課耐左少少。」她，又成為打開話匣的人。

「唔係呀，我企左係度一陣咋嘛」

「咁就好啦！」

「我啱啱拎左戲飛啦，你餓唔餓，洗唔洗食住爆谷睇戲？」



「唔洗啦，我都唔餓，同埋一陣我地會食飯嫁嘛 ;-)」

「咁入場坐住先啦」

「嗯！」

進入戲院途中，心入面不禁幻想到一會兒後會發生甚麼事情……同時，她當時不知道我買了那兩個經過心思熟慮的座位。

「角落頭果兩個位呀」我在她耳邊細聲說道。



「哦」

本身計劃她坐在貼近牆的那個座位，豈料……

「我想坐出面呀」

「你喜歡啦 :)」

給果我坐了近牆的位置，而她坐在我左邊。在開映前的幾分鐘，我倆一言不發，好像都在靜待甚麼發生一樣。



「我上網睇人地影評，好似話幾好笑嫁」我虛偽地說出一句連自己也不太相信的說話。

「我都睇過呀，希望唔好係太爛就ok啦」

我心想，原來你也覺得會是爛片，那為何仍要約我看這套電影呢……與此同時，正式播映電影前的廣告片千篇一律，完成沒有變化，看了廿多年電影，已經不再覺得好奇，所以只好跟她低聲聊天，但由於戲院內不宜談天，所以我倆靠得很近，存在於兩個座位之間的扶手早已被我拉起。同時，亦好像代表我倆之間的隔膜隨之消失……

下回《吻》待續