[中篇]隱藏係香港地底既秘密──點解要我去發掘？: 位面

沒錯，雖然這樣做很蠢，但我最後還是跟著他們走了。
 
他們勉為其難地讓我跟去後，終於跟我透露他們的目的地。一個已擱置多年，最近重建的地鐵月台，名為林士站。我聽都沒聽過這地鐵站，只一臉茫然地看著他們。列天欣耐心地解釋道：「當年東九龍線南邊既總站應該會係林士站，但因為起左新機場，有左機場鐵路，林士站就比人擱置左。當然，呢個係官方講法，亦都有流言話工人係車站撞鬼而停建。」
 
「咁……你地係去捉鬼？」我疑惑道：「定係地鐵月台有《錄圖真經》？我睇冇可能掛？」
 
「唔係咁，」堂哥終於開口說道：「我地淨係知道果度會有我地想要既線索。不過，個地鐵站係二零一零年因為要起西港島線，所以開始左復工。」
 
「吓？咁我地點入得到去？實比人趕出黎啦。」
 




堂哥淡淡地說道：「有一個方法可以暢通無阻咁入到去。記唔記得我地上次撞到既八門陣？」
 
一輩子都忘不了。誰會忘記害得自己肩頭留疤痕的混帳陣法？我在心裡想道。堂哥見到我臉色一下子變了，便點點頭繼續說道：「設陣者開啟左新一個位面，又或者用翻科學詞彙，我地可以叫做平行空間。我呢個禮拜一直係唔同經書入面搵相關既資料，終於係上次我地新娘潭墓翻譯出黎既袐籙入面搵到相關既記載。」
 
我吃驚得下巴快掉下來：「你已經譯到喇？」
 
「託佢既一個相熟既密碼專家幫手譯，之前我地已經譯到一部份既袐籙，加埋係新娘潭墓既發現，而家我地已經知道左大概五百幾個袐籙密碼既意思。呢個係題外話，」他擺擺手，清了清嗓子，說道：「我根據入面既提示，搵到《道德經》入面其中一段章節，用袐籙指示既理解方法黎睇果段野，終於明白左創造另一個位面黎施展陣法既方法。」
 
我感到不可思議到極點。科幻片裡常提起平行空間，原來幾千年前老子已經寫下了製造方法？開什麼玩笑？我追問道：「你既意思係，你諗住造一個平行空間，然後係果個空間度搵你既野？」
 




「我地叫呢樣野做『位面』，」堂哥糾正了我的說法：「同埋，冇錯，我地係諗住咁做，但係唔知道會唔會成功。我係屋企實驗過，應該係同我地呢一個位面一模一樣，但係冇人。因為有生命既野係冇辦法跨位面存在。」
 
接下來他又略略交代了他的計劃，比如說如何施展道術創造新位面、怎樣進入所謂的新位面等等。我得承該他在細節上想得很周到，但最核心的問題他卻刻意忽略了──「到底今次安唔安全？」我眼神帶點挑釁地盯著他，問道：「如果好似上次咁，撞到更恐怖既怪物，我地三個可能會死無葬身之地。」
 
堂哥冷冷地回看我：「你真係當我地去旅行？你要跟埋黎，就預左會好危險，你大可以選擇退出，快啲趕去果間大學既開放日。」
 
我又急又怒，但他確實說得沒錯，我既然跟著他們去冒險，就要有心理準備。我強自把怒氣壓下，列天欣也偷偷捏了捏我的手安撫我。我點點頭：「我明白，我唔會退出。」
 
從這裡到上環站其實不算很遠，但往來路人如鯽，我們在人群之中也不得不放慢了腳步。未明的霓虹燈招牌在頭頂上搖搖欲墜，呼吸著市區熱鬧的氣氛，我漸漸平靜下來。我們三個人一言不發地走在街道上，途中停了下來，他們為我買了一把手電筒，至於武器，他們多帶了一把瑞士軍刀，所以給了我，連同一些備多了的急救用品和食糧，一併塞進我的側背包裡。
 




進到了上環站，堂哥領著我們走到E出口附近的東面大堂，然後自己走進了傷殘洗手間。據他所說，因為必須在比較近的位置才可以施展道術，但在這麼多人面前消失絕對會引起轟動，所以我們只好一個接一個相隔幾分鐘進入傷殘洗手間（以免被人發現我們三個同時進入同一個洗手間，那樣的話……恐怕很快就會有保安員來）。等到人齊之後，堂哥就轉過身去背向著我們，然後喃喃地發出一些聽似無意義的聲響。我只覺說不出的怪異，又覺得滑稽，和列天欣面面相覷。
 
沒多久，堂哥忽而住了聲。我以為他已經完成了道術，正想推門出去，列天欣卻抓住我的手，神色緊張。我愣了一下，便看到堂哥轉過身來，臉上是難得一見的迷惑：「我感覺有人已經造左一個位面，仲要係冇幾耐之前既事。」