[中篇]隱藏係香港地底既秘密──點解要我去發掘？: 踩單車

堂哥看都不看我一眼便果斷拒絕：「你唔好跟黎。」
 
我揉了揉太陽穴，看著眼前這兩人，總有種落入虎口的奇怪感覺，然而不知從何處而來的好奇心卻驅動著我繼續說道：「連列天欣都可以跟埋去，你拎我啲血又唔知做咩，我跟去有咩問題？你放心，我未必夠你好打，但體格上點都好過列天欣，如果你地其中一個出左事，我點都幫到手。」
 
列天欣用一種古怪的眼神看著我。有點像是……悲憫？我被她看得渾身不舒服，轉過頭去，而堂哥摸著下巴像在思索，良久，他才沉聲說道：「你要跟黎都可以。」
 
我鬆了一口氣。列天欣已不再盯著我不放，而是把她書包裡的東西倒出來，卻把地面上散放的探險用具塞進去。我也照著她那樣把書包裡的課本換成火柴、攀山索、手電筒等東西。最後我們三個背著沉甸甸的書包或背囊從一樓走下來時，德叔已在門口，臉上神色依似十分凝重，還有幾分陰沉。
 
「我就知你地最後會三個人去，」德叔向著我們說道，指了指門外：「我準備左三架單車。呀臨，你既父母我通知左佢地你今晚係度訓，你可以放心。」
 




我這才想到父母的問題，忙向列天欣看向。她笑了笑：「我頭先用whatsapp同左呀媽講我今晚係邵益謙屋企過夜，佢同意左。」
 
邵益謙聽上來像男生名字，卻是列天欣情同姊妹的好朋友。她倆在學校時老是形影不離，我想她們家人彼此也挺相熟吧。
 
我們三個走出門口，便見三輛單車泊在門前不遠處。堂哥一馬當先，跨上單車便起行。我忙緊追其後，列天欣殿後。我這時離堂哥不算很遠，便稍稍提高聲音問道：「點解要踩單車？唔搭得車咩？」
 
堂哥搖了搖頭，沒有回答。我也只好別想那麼多，默默地跟在他車後。
 
踩單車是很孤獨的活動，尤其是在晚上。你只能看到前面的人在風中獵獵亂舞的頭髮和翻飛的衣袂，耳中是嗚嗚作響的淒迷夜風，眼睛被風一吹就乾澀得難以忍耐。兩側的景物如浮光掠影，惟有掌中的把握及腳下蹬著的板踏如此真實。昏黃的街燈在水泥路面上投下一圈又一圈的光暈，左側公路駛過的車子飆出凌厲風聲，刺得耳膜隱隱作痛。
 




我們前後三人在少人的單車徑上風馳電掣。堂哥踩單車的技術很好，一直輕輕鬆鬆的模樣，但列天欣始終是女孩子，有體力限制，踩到大埔附近已經愈來愈慢。我叫停了堂哥，停下來讓她休息一會。堂哥默不作聲了一會，然後從背囊裡取出一個保鮮盒，裡面盛得滿滿的都是三文治。我吞了口唾液，這才記得自己還沒吃晚飯。於是三人便站在路邊狼吞虎嚥解決了一整盒三文治。小休過後，我問道：「其實我們去古墓係要做啲咩？會唔會比人發現？」
 
堂哥應道：「今日唔會有人係果度，你唔使驚。至於我地要做啲咩，準確黎講，我地係要攞翻一樣野，阻止一件事發生。」
 
「……」又是等同沒有回答的答案。我放棄了追問下去：「咁要整幾耐？」
 
堂哥向海邊遠眺了眼：「係聽日日出之前，我地必須完成任務。」
 
雖然明天是星期六，要花多少時間也沒什麼所謂，但還是覺得愈早解決愈好。我吞下最後一小塊三文治，想起剛才出發時問的問題，於是再次問道：「係喎，你仲未答我點解我地唔直接搭車過去？」
 




堂哥正抱臂靠在單車上沉思，聽我問道，便回應：「今日吐露港公路會出車禍，我地搭車既話會趕唔切，踩單車就勉強趕得切。」
 
「連會有車禍你都知？」
 
列天欣在一旁插嘴道：「算出黎有幾難，我呢啲三腳貓功夫都算得出，更何況係你堂哥同佢爸爸？」
 
我訕笑道：「知你地一個二個身懷絕技喇。話時話，你居然呃左我咁耐都唔同我講你原來都係學呢啲野。」
 
「仲諗住你知架嘛，」列天欣用手肘撞了我一記，說道：「我以為你……」卻忽地打住不說。我問：「以為我咩？」
 
她臉上現出幾分畏懼之色，搖了搖頭，瞥了眼堂哥：「冇野，當我冇講過啦。」
 
我見她又在裝模作樣，哼了一聲，望見堂哥已坐上單車，便立馬上車繼續前行。沿著汀角路經過大尾督，終於來到了新娘潭路。此時天已全黑，一弧彎月半斂臉於雲團之後，散出濛濛月光。道路兩旁密密匝匝的樹木在夜色中森然欲搏人，我開始有點不安。但事到如今，打退堂鼓是不可能的了，我只好硬著頭皮，繼續跟隨著堂哥向新娘潭進發。