[足球故] 我要踢港隊！: 二十一

「噔～」 

「今日做咩唔黎練波呀？上次又唔黎野飲就走左去。」是她。 

自從那次公佈了正選十一人後，我也沒有主動找她，而她也沒有找我。被她問及到為何沒有來練波，真的有點慚愧。我竟然把自己的失敗投放到她身上，沒有找她，更遑論與她分享我的事。 

「我有野做姐。」 

「唔洗扮野啦，嘉明同阿健話佢練完波見到你係街場度走番屋企架。」原來，嘉明真的很關心我。 





「靜華，你覺得我有乜不足呀？」其實我並不期望她會答到我，因為連我自己也不知道自己有何不足。 

「你真係想我答？」 

「嗯。」 

「體能差。」 
「次次睇你地練波，你都喘哂氣，練體能又跑得最慢。」 






我竟然沒有意識到這一點，天啊，我是不是愚昧到這一個地步？ 
靜華這個女生竟然察覺到這一點。 

「多謝妳。」我由衷的對她說。 

「下？」 

「放心啦，下個禮拜三妳一定會見到我。」 

「希望啦。」 




「係呢，我平時夜晚都會跑下步架，你有冇興趣？」 

「下？」 

「冇咩架，練體能嘛...」 

「好呀，聽晚開始！」 


在我迷失時，有舅父「省」醒我。 
在我失意時，原來嘉明有默默的關心我。 
在我找不到答案時，靜華解答到我的疑問。 

「周嘉耀，你一定要打倒昨天那個懦弱的周嘉耀。」我對自己說。 






「舅父！我知道我衰乜啦！」今天的我，一臉稚氣，在舅父面前，我永遠也是個小孩。 

「你講左你衰乜先啦，驚你錯左呀。」舅父平心靜氣的說。 

「衰體能，衰唔練波，衰睇小自己，衰辜負左你對我既期望。」我一臉認真的回答。 

「我對你從來都冇期望架喎。」舅父笑著說。 
「黎啦，出去踢波啦。」 


「嗯！」我也笑著說。 

「嘉耀！」嘉明和阿健一邊跑過來一邊喊著我的名字。 





「喂！」我揮著手。 

「你兩個呀，有得踢正選一定要比啲心機呀！因住我轉形踢前或者龍門之後三兩下手勢就搶左你地個位番黎呀。」我笑說。 

「哈哈，邊有咁易呀。踢波啦。」阿健說。 

「咪住，咪住！」嘉明說著。 

我和阿健都一臉疑惑。 

「伸隻手出黎啦。」嘉明說著。 

我們都意識到嘉明想做些什麼。 

「加油！」 





我們三個拳頭碰拳頭，說下這句鼓勵說話。就像那年那天的體育課。



距離學界的日子逐漸迫近，練球也從不間斷，我亦每天跟靜華去跑步，想要改善一下我的體能狀況。 

「喂，你知唔知道體能喱啲野急唔黎架？」她喝著水，跟我說。 

「梗係知啦，我唔會咁心急既。不過急起直追就一定要啦。」我看著她紅紅的臉頰，真的很迷人。 

「喂，其實你鍾意咩球星架？」我問她。 


「C朗！」如果唔係喱個答案的話，我切........ 






「卡蘇拿！」她一臉認真的回答我。 

「下？死矮仔你都鍾意？」幸好『我切』的那句話只是在心中想。 

「佢左右腳都咁勁。同埋，我中意阿仙奴架。」 

「佢一啲都唔靚仔架啵。」 

「你都低能既。鍾意靚仔既話都唔揀踢足球啲人啦，你估踢足球既好多靚仔咩？」她嫣然一笑。 

「我地學校足球隊有好多靚仔架啵。例如：我啦...」 

「我真係鍾意足球架。」她仰望著天空，說出這句話。看來，她真的喜歡足球。 

「真係估妳唔到呀。」 

「喂，跑啦。唔比偷懶呀。」她說著。 

「係既，係既。」我又再提起雙腿向前跑，有靜華督促著我、陪伴著我，真的事半功倍。