《為夢願意走一回》: 小學

今日係小一既返學日子,9月1號。

我係一個小學生-陸展原,

身型瘦同矮,性格比較內向,對任何野都提唔起勁。

當時我仲未着好校服,我快快手着好就走。

爺爺:「我幫你揹書包啦!」





爺爺係當時係我心目中既姚明,有175CM,

我爺爺以前有打籃球,好似好勁,哈哈!

我爺爺直情係我守護神。

我同我爺爺行到我返既小學-華富邨寶血小學。

爺爺:「一切小心,拜拜!」跟住比個書包我揹。





我勁驚!你知架啦,無咩人識,行入去,無朋友,好頹。

忽然,有人拍我個膊頭:「陸展原!」

原來佢係陳少傑,係幼稚園識到,同佢好好朋友。

我:「嚇親我咩!陳少傑!太好啦!你又係寶血!話時話你咩班?」

陳少傑:「一望呀!你呢?」





我:「我一愛呀!無得同你同班添。」

我地小學 每級4班 A:信 B:望  C:愛  D:敬

陳少傑:「唔緊要啦!得閒過黎玩啦!」

我:「好呀!」

咁我就去排隊,由於我矮既關係,排得幾前。

上到1C班房,有個MISS入左黎。

老師:「同學仔大家好!我叫梁老師!我係你地既班主任。」

梁老師佢份人,我無咩好感,成日針對我。





你地會覺得怪,老師唔係好好既咩,但我仲係好深刻。

小一個年好Q黑暗,我都唔知點過到

點都好,繼續。

小一個年無咩好玩,係有個叫陸運會,聖誕聯歡會,同埋學校旅行,

令我有D印象。

不過我都係返左第一日,諗咩呀。

如是者我就上左三日堂。





上到星期四,有得上PE堂。

個堂可以話係6年小學生涯,

上得最開心既一個課堂。

個時教體育既老師叫梁思漢。

好好人,人又NICE,成日好鼓勵我地去追夢。

我心諗,佢姓梁,班主任又係姓梁,有咩理由班主任咁仆街,佢又咁好。

個時梁SIR教我地玩好多遊戲,

有個叫匙蛋賽,





就係拎住個湯匙,唔可以跌,走一圈,最快就贏。

哈哈,唔好以為好易玩,一D都唔易!

我跑住拎,以為最快,點知仲慢過其他人!SHIT!

因為我係咁跌...

不過無咩所謂,反正好好玩。

有個人玩得好勁,叫做蔣俊杰,

跑得又快,





佢又無出古怪喎!

個時我咪走過去問佢點玩。

我:「蔣俊杰,你點玩架?」

蔣俊杰:「保持平衡就OK架啦!加油!」

咁我就識到第一個朋友。

PE堂過後,放學!

今日返得幾開心!

返到屋企,第一時間就係做功課,

抄生字同計數,

抄生字,當時係我既神技,

抄得勁快,

跟住就計數...

計數係我咁多年最困擾既一科...

仲難過記數碼暴龍既怪獸名。

不過,都幾好呀。