唔係掛，我竟然可以入去女校溝女？: 第八章. (4)

「你…你跟我？」
 
「唔跟你點知你原來為左溝女。」她沒有驚訝
 
「我由第一日就同你講過，記得唔好比其他人勾引到你，嗰度d女仔出名靚。點知你已經沉左船，咁我唯有用我既方式黎完成任務。」她以冷漠的眼神與我對視
 
「咁林思思真係同『天使』冇關係。」我開始明白真相
 
「比你入女校唔係為左溝女，係查林思思。」她重申一次這次任務的目標
 




「所以你就放假風？」我問
 
「既然你查唔到，我唯有捉佢番黎問。可惜唔小心捉埋你女朋友。」她冷笑著
 
「你…」我咬牙切齒
 
「同你相處左半年，其實你係幾好仔既，不過，你一日完成唔到任務，我地一日都要食m記。唔通我用另外一種方法黎確保我地之間既生活唔得？」她問
 
「但你冇必要咁樣。」我肯定地回答
 




「超！咪又係為左食女。個個男人都係咁，你又係，我個ex又係。」
 
「…」原來這個就是她對我那麼冷漠的原因
 
「咁你依家知道晒，會點做呢？」她問
 
「放左佢地…」我明白了更多
 
「冇左林思思，我地食乜呀？手指呀？」
 




「就算係咁，都唔應該搞埋Michelle！」
 
「唉，你冇得救。冇錢點生活呀先生？」
 
「但都唔應該咁做。」我回答
 
「Fine，你想去，你去。到時唔洗分埋你錢，我一個拎晒。」
 
「咁佢地喺邊？」
 
「警署。」
 
「警署？！」
 
「我唔想講第三次，我本來以我既方式黎幫你搞掂著單，成個人脈我都幫你搞好晒。扣留佢地48小時，自然會問到野。係你唔領情姐。」




 
「…」我堅信這是歪理
 
「仲有，你去救佢。即係救犯。冇人會幫你。」
 
我沒有回答，只是馬上動身。
原來所有的事情，都是呀蘭所搞出來的…
 
我在她的身旁擦過，依稀能聽到她的冷笑聲。
「你唔阻我？」我停下
 
「同事一場，你想死，我唔會阻你既。」其實她的功夫根本在我之上
 
我知道，若要我去救她們，只是墮入了呀蘭的圈套。
若果觸動警察，一定沒有人會打救我…




這個行業…只要踩到黑道或者警方的「尾巴」…
結果只會是…死路一條…
但是為了思思…為了Michelle…
現在的我根本沒有退路…
 
或許呀蘭說得我對…
我根本是死不足惜…
可是…為了保護自己所愛的人，我沒有選擇的餘地。
愛情，根本就沒有退路！