唔係掛，我竟然可以入去女校溝女？: 第八章. (2)

我落到樓下，沒有立即拐向OK便利店的方向，反而往相反方向前行。
我警惕著附近的一吹一動，以防有人跟蹤我。
要我走迂迴的路線，大概不會是想浪費我時間吧。
Lucy她應該在傳達一些訊號給我。
 
孤獨的身影在街燈的影照下顯得格外冷清，我一步一步地走著，以OK為中心不斷穿梭於大街小巷。
 
突然，我停下腳步。
 
「噠。」身後傳來一聲不合群而又微小的腳步聲




 
我又乍然蹲下，裝成在綁鞋帶的模樣。
我以眼尾向後方一看，一個黑影迅速消失。
不知是男或女，但明顯的是，有人在跟蹤我。
以免打草驚蛇，我進去了附近一個公廁，關上門，然後又在後門逃脫。
 
我全力向OK的地點奔跑，為自己爭取多一點時間。
跑了幾分鐘，那個高挑的身影在冰箱前面打量著我，又向我揮手，示意我過去。
 
「要人等咁耐。」她開腔




 
「唔理啦，你知有人跟蹤我？」
 
「聰明喎，知道我想講d乜。」回答我的人是Lucy
 
「點解你會知？」
 
「上次我同你喺度既時候，已經有人跟緊你。嗰時我背左佢，估計佢仲未知道我係邊個既。」
 
「你點見到？」我好奇的說




 
「你話呢？」她指著冰櫃的玻璃鏡面
 
「所以你上次咁快就走左？」我問
 
「正解。」
 
「咁係咩人黎？」
 
「睇唔到咁清楚。」她好像想了什麼事：「依個唔係重點，重點係依個。」
 
我打開她給我的信封，說：「這份大禮，我收下了。乜黎？」
 
「我就係今日收到依封信，先問你有冇咩頭緒。」
 




「你唔比你組織d人查下？」
 
「其實，我懷疑緊有內鬼。我暫時可以信既只係你。」她回答
 
「內鬼？」
 
「其實我不嬲都暗地裡貼身保護小姐既，但依個月不斷有風聲話組織有事，同埋上頭傳落黎既命令都係以組織為先，搞到我有時顧唔到思思。」
 
「你既意思係有人放假風？」
 
「係，所以我想托你幫我查下依封信。」
 
「等等先！」我的腦袋不斷轉動：「咁依家思思呢？」
 
「小姐屋企囉。做咩？」




 
「會唔會今次又係同上次一樣。調虎離山…？！」我想起了那次差點被Lucy槍斃的情景
 
「唔會掛…」她皺起眉頭
 
「一係咁，你番去睇下先。我去托我助手去查下封信？」
 
「好。」她沒有猶豫
 
「分頭行事。」
 
跟蹤我的人…究竟是誰…