唔係掛，我竟然可以入去女校溝女？: 第七章. (8)

「你可唔可以同我喺埋一齊…」我慢慢靠近她
 
「下…下…」她神態慌亂，像無法接受現實般
 
「你唔係問我想唔想繼續一齊咩？」我笑言
 
「嗯…」她用蚊子般的聲音回答
 
「再加上你叫我黎依度搵你嫁嘛。」
 




這裡…就是相識的地方…
6S班的班房。
 
「你唔會expect我唔黎掛？」
 
「嘻！傻佬！」我倆四目交投
 
「咁我地會永遠一齊嫁可？」她問
 
我想了一想，便回答：「廢話我唔會答既。」




 
「咩喎…」
 
「你明知個答案係咩嫁…」我說
 
「咁人地想聽你講唔得咩…」
 
「有機會先啦…你今日番屋企定宿舍訓？」明天是校慶假期
 
「屋企呀…媽咪佢煮左我飯嘛…」




 
「嗯…咁我送你啦。」這大概是所謂的風度吧
 
原來，一句簡單的話語，就可以把人的關係徹底地改變。
看來我，已經成為了她的男朋友。
 
「係喎…你黎唔黎食飯？」她問
 
「打攪到伯母唔係咁好既…」
 
「但係…」她依依不捨
 
「始終你仲讀緊書嘛…讀完書我再上黎都唔遲啦。你話要永遠一齊嘛…」
 
「咩話你講咩？」她一副裝作聽不到的模樣




 
「冇啦。講左一次唔再講。」我逗著她
 
「喂呀…」她露出楚楚可憐的樣子
 
「我講左有機會先講嘛…頭先咁岩有機會…依家冇啦…」
 
「哼…」
 
「乖啦！上去啦！Auntie等住你開飯。」我指著她的家
 
「咁好啦…byebye！」
 
「bye…」
 




才剛離開了幾十秒，我的手機便收到一則whatsapp訊息：聽日點呀？
 
「你想呢？」我回覆
 
「不如去睇戲？」句末有個心心眼的emoji
 
「好，咁聽日見。」我加了一個笑哈哈圖案
 
良久，又一個whatsapp訊息，屬於思思的訊息。
 
「還以為可以跟你道出心底話呢…」
 
「可以再來社工室啊。」一個笑哈哈的emoji
 
「有些事現在不做一輩子都不會做了。」她傳來訊息後便下線了