唔係掛，我竟然可以入去女校溝女？: 第三章. (3)

「深Sir...搵我呀？」社工室的門微微打開著
 
「係，坐呀。」
 
「咩事要放學之後搵我既？」她拍拍我的肩膀之後，就慢慢坐下
 
「冇呀，想問下你點喳嘛…」
例如…你可以告訴我林思思最近過得如何…
 
「我？都係咁啦…」她依然以熱情的口吻來對答




 
「咁點解你要做Part time既？」
 
「冇呀…因為…悶…」她咬咬自己的下唇
 
「但唔洗兼顧學業咩？」
 
「要…」她又再次輕咬自己的下唇
 
「咪係囉。」




 
「我…可唔可以相信你…可以幫我保守一個秘密？」
 
點解每個女仔想講某d事既時候…
都要問可唔可以相信你嫁呢…
你又係…
欣欣又係…
 
「可以。」
 




「不如…交換秘密？」她正經地看著我
 
國外有句諺語說「人與人之間的關係是透過交換秘密與弱點來維持」。
從某種意義而言，代表我們已經完全信任對方，而對方潛意識中也會認為，你都已經赤裸裸地把弱點攤在我面前，那麼基本上是可以信任的…
 
不過…可能是我簡單複雜化吧…
 
因為…社工的職責的就是傾聽別人的心聲啊…
而且…得到了她的信任…或許會得到更多關於林思思的資訊…
 
「好…」我同意
 
「其實呢…我唔係咩富有人家…更唔係咩有咩才能特別強既人…我只係一個好普通既女仔…」她開心見誠地說：「我出生於一個好平凡好平凡既單身家庭，而我媽咪自我懂事而黎就不斷番工…打工…番工…就係為左想供我入依度讀書…」
 
是因為名牌效應才供養子女到這間學院嗎…




還是他們希望子女能夠成才，而默默地無私奉獻自己的光陰，以換取下一代更優越的教育機會呢…
 
「有一日我因為同朋友煲粥，所以傾到差唔多通宵。跟住傾到差唔多媽咪番左黎，就問我做咩咁夜唔訓，我就話做project要同同學傾，之後佢講左句加油就直接番左入房訓…嗰時我唯一睇到既…就係媽咪年華老去既樣…所以…我就決定番part time…直到依家。」
 
這個世界充斥著陰謀論，但其實…
親情就是最鋒利的刀刃去証明這個世界還殘存著無私的奉獻…
他們為的不是「養兒防老」…
而是因為「養兒一百歲，長憂九十九」…
總之，有些事就是不能用理去辯解。可是，用情卻就最適合不過。
 
「到你講啦深Sir！」她眼框裡好像泛起了淚光
 
我…的秘密嗎…