唔係掛，我竟然可以入去女校溝女？: 第一章. (5)

鈴…鈴…
 
「喂？呀蘭咩事？」我接通來電
 
「冇，定期匯報姐。琴晚我去左做野。」的確我昨晚回到單位內已經看不到她的身影
 
「冇乜點…我聽講林思思好難接近，佢好似好憎男性動物。」
 
「依層老闆娘冇同我講喎，等等先，你繼續講。」我從聽筒聽到另一邊傳來抄寫的聲音
 




「仲有林思思好似打排球好勁，聽講連港隊都物色緊佢，不過琴日嗰場冇出，不過應該都係真既。仲有佢身材好正，唔少外校生突登黎睇佢同Erica打波。」
 
「Erica？」呀蘭問
 
「佢今年Form4，不過唔清楚同林思思有冇咩交集。」
 
「哦…咁你focus番喺佢地組織既資料度。」
 
「OK。」我簡潔地回應之後便動身去拜訪王老師
 




王老師是6S班班主任，亦是這間學院的副校長。
之前，呀蘭也已經與Miss Wong「打過交道」，才能夠讓我以「駐校社工」身份滲入高路斯學院。
 
「Hi，王老師。」
 
「你好深Sir，唔知有咩事呢？」王老師報以微笑
 
「我想了解下6S有冇d咩需要關注下呢？我想知道下唔同同學既情況。」
 
「嗯…應該冇。每位學生都相處得唔錯，冇咩特別事有發生喎。」




 
「好呀，唔該曬你。」
 
沒有什麼事嗎…
這樣也好，不用我操勞，可以讓我更加專注目標。
 
午飯之後，我發現那個「感情垃圾筒」又多了一張小紙條，上面以與上次同樣的字跡寫道：「深Sir…我可唔可以信你…我唔知點算好…」
 
然而，她依然同樣沒有提供任何聯絡方法…
不知怎樣的，我總覺得這位女同學曾經與我碰面，不然沒有人會與一個素未謀面的新社工打開心窗吧。
我依舊把它放入抽屜裡面…
 
「拍、拍…拍、拍、拍。」門外傳出一陣急促的敲門聲
 
「你好。請問咩事？」我迅速打開房門




 
「大、大件事啦！有人想跳樓，老師叫我搵你上去去安撫佢情緒喎…」女同學面色慌張
 
「下？」我先嚇了一嚇，但立即冷靜了下來：「快d帶我去！報左警未？」
 
「警察已經黎左，但依然叫我搵你上去，聽講佢指定你去見佢。」
 
「指定我？」為什麼是我…
 
我隨手拿起電話，便跟隨女學生的腳步迅速爬上天台。
「咦，依個學生咁面善既？」我暗忖
是典型的「迎新騙局」嗎…？
我隨即感覺到一絲不祥之感，好像有什麼事情正在蘊釀…