唔係掛，我竟然可以入去女校溝女？: 第一章. (2)
「大家好！我係深Sir！係今日黎既駐校社工，主要負責輔導高年級同學。既然係第一日黎，我都好想快d同大家熟絡，關心下大家，所以就特登黎觀下課。」我微笑點頭
我根據王老師指示坐到一位女生的旁邊觀課。
事實上，我由第一步步入這個教室的時候，已經發覺她並非泛泛之輩，她的氣息叫人有一種「冰凍」的感覺。
「你好呀，希望你多多指教。」我以招牌笑容主動地採取攻勢
「…」她沒有一絲反應，眼睛依然死死地盯著黑板
「你…冇事呀嘛？」說真的，她更像一個死人
「深Sir你唔好搞佢啦，林思思出名冰雪美人，唔理男性動物嫁。」一把女聲突然從我左前方出現
「真係林思思…果然我既直覺冇生鏽…」我暗忖
「啊…差d唔記得介紹自己添，我叫Michelle，我係依班既班長。」
「Hello~ Michelle。」我簡短地回答
由於呀蘭叫我做臥底時最忌與任務無關的人接觸，故此我只好放棄一個看起來蠻不錯的女朋友。
不過，這不是重點。如呀蘭所說，我只要完成任務即可。獲取情報說難不難，說易不易，大概比打劫稍為易一點點罷了。
你也許會質疑我。但是，我只會告訴你，獲取情報需要人脈關係、情報可信性、情報有關性、可執行性等等多個方面的要求，完全並不像「八婆」般當「八掛雜誌」是她們的情報來源。總之，我們會分析資料，但「八婆」不會。
經過頭一日與看似與林思思頗熟悉的女同學打好關係，確保我的消息來源皆可為於我控制之下，便邁出了歸家的腳步。
「咦，深Sir，咁快走既？」Michelle從不遠處走過來
「無呀，冇乜野做嘛。」我答
「聽講你喺度打聽緊思思d野喎，咁快對人有興趣既？」Michelle還真的是個熱情的女生
「哈哈，我作為依一級既社工，當然要關心同學…」我承認
「勸你死左條心佢啦，哈哈！佢出名勁憎所有既男性動物，連男老師佢都唔理多幾句嫁，更何況只係社工呢。」
「點解既…? 」我追問
「依層我就唔知啦，不過如果你想認識下佢既，佢一陣有場排球比賽喺操場度開波，你有冇興趣去睇？」Michelle問
看來要獲取到情報，必先與林思思打好關係。但是，她卻討厭男人，教我難以接近。
另外，Michelle也有不少關於林思思的資訊，看來也要把他收納於我的「情報來源」之中。
「好呀，林思思打排球好勁嫁咩？」我嘗試套取更多情報
「佢學界MVP黎嫁，而且喺排球隊隊長，仲聽講港隊都物色緊佢。」
「咁佢既然運動又好，人又靚的話，成績係咪特別差？」我問
根據現實中，理論上靚女的話成績不會好，而運動好而樣貌標致的話成績一定極度差。否則，上帝實在太不公平了。
「佢全校第一嫁…仲拎左勁多獎學金…」
我答錯了。林思思與我一樣皆是上帝對人類不公平的証據…大概…
「佢家底好差嫁咩？」我繼續詢問
「依層我都唔知…思思既秘密唔單止係佢冰冷既背後，而且佢既家族係一個迷…聽講佢家族捐左唔少錢比我地學院。」
果然，這間學院與林思思必定有密不可分的關係。
「哦…佢人生太完美啦掛…」我真心讚嘆
「哈…去睇波啦。」Michelle苦笑
「其實林思思除左老師之外佢有冇同過任何一個男仔講野？…」我問
「聽講佢幾年前唔係咁嫁…不過就唔知因乜事姐…」Michelle答
我倆並肩前行，前往不遠處之外的排球場。
雖說在不遠處，但從陰雨操場走過去，也是足足一分鐘才到達。
但若果你沒有親身來過，應該想像不到這間學院的大小。
你大概可以把維園當成高路斯學院吧。
「哇…咁多人。」我眼前全是一堆黑壓壓的人頭
「哈…係男人姐…」Michelle說
「男人？女校黎嫁喎依度。」
「放左學d人咪話入黎參觀囉。咪又係為左睇囡。」
「所以林思思佢真係咁受歡迎？」
我相信，眼前的應該足足有為數不少的外校生來觀賽，男女比例大約5:1吧…
排球原是一個不太受男性歡迎的運動，但此刻的感覺卻完全相反…
「當然林思思係受歡迎，但係排球隊其他隊員都幾靚女嫁…都有唔少fans支持佢地。」
我放眼一看，不少人戴著帽子，上面印上Erica的名字。
當然，亦有很多人拿著印上思思加油的旗幟。
「Erica係…？」我問
「如果林思思係我地學校一號人物，咁Erica應該係二號人物啦。」
「因為靚女？」
「你可以咁講…但仲有其他原因…嗱…佢出黎啦…你睇下。」Michelle指指場內的更衣室門口
說真的…那一刻…我呆了…
精巧的五官仍帶著一點稚氣，兩側臉頰因陽光的映射而染上誘人的紅霞…
微啡的杏仁眼睛一眨一眨，連微卷的長睫毛也隨之上下移動，小巧的鼻子配上閃有珠光的紅色朱唇，分外地令人聯想成熟透的小蘋果，並想嚐其一口。
然而，那仍不是重點…
她的笑顏令人倍感溫暖，而且不斷與旁邊的人一直握手，眼光裡毫無半點不耐煩之意。
一套淺藍色的連身運動服裝與平常在電視機裡看打網球的服裝無異，惟她穿上後不但令人覺得完美無暇，更有一絲令人心動的吸引力。
「依個就係佢既吸引力…奈何我冇…哈…」Michelle乾笑
「你都唔差嫁…唔好咁睇少自己！」我安慰道
不過…當此起彼落的掌聲更勝一層之際，就知道「一號人物」已經踏進會場之內了…
對！她就是我的目標…林思思！