《行走地獄的人》 副名：果日，我溫完書之後，就行唔返出呢個商場: 作者後記

(高登連載9月6號正式結束)

短短二十日就十萬次完全更晒
相信讀者睇得都應該十分之過癮
雖然最後竟然只有一位讀者留名推post
但我都係完成既自己承諾, 三個鐘大結局

為左故事既完整性, 最後要用好多個唔同人既視角帶出
紀凡同萱萱更是超級打醬油角色
不過紀凡的出現其實還不算是太突兀吧, 我想.....




大部份的伏筆位已經解開
歐陽正隻手其實係比1樓追向晨果隻嗜血者食左, 所以其實歐陽正簡接救過向晨, 哈哈
紀凡同萱萱既愛情故事應該會幾好睇
屬於超級大白痴自戀怪和怪癖蘿蔔少女的蒙太奇式愛情故事.

但係我未有時間同構思寫出黎
或者下一次再見係年半之後, 我考完dse
又或者我從此退出寫作既生涯

一開始好多人話向晨應該揀雨翹, 我最初既時候都係咁諗




但最後作作下又覺得, 有時, 放手可能會係更好既選擇
雖然唔甘心, 但以好朋友既方式去繼續愛一個人, 或者會更長久, 當然前提係不要說出自己感受
洛向晨採用既就係呢種方式, 佢唔願意比雨翹記得自己, 因為咁就會令佢知道自己條命係曦彤換返黎
故事無寫到既係, 其實溫完書之後, 雨翹帶埋歐陽正黎見向晨, 正式向洛向晨介紹自己既男朋友.
絕望之中既向晨又遇上車禍, 引發之後一連串事件

到底向晨有無係億萬被「天道」所屏棄既小時空搵到, 未被自願融合的曦彤呢?
呢個行為, 其實相當於同「天道」挑戰
弒神者, 弒天道者, 其實有一定程度相似
成功? 還是徹底迷失自我?




這是一個看似無解既答案

……

你心目中的結局又是甚麼呢?
你會為了所愛的人揮動拳頭嗎?
會與洛向晨一樣, 從此離開表世界, 進行整遍天地間只有他一個能辦到的時空旅行?