一世回味的初戀: 第10節：農曆新年?

聖誕節過後，好多學校都係大考，而我哋學校都唔例外。

咁大考之後，派哂卷，就到左農曆新年啦。

好多人都會諗，第一年第一次拍拖，究竟帶唔帶女朋友返屋企，同屋企人拜年，而呢個問題，我都諗左好耐。

其實每次拍拖，每個人都想個次係最後一次拍拖，就一生一世！

到左最後，係年初二我帶左女朋友，同屋企人拜年。





個日朝早，我就同呀詩去食早餐，之後呀詩就買小小野些嚟我屋企，佢就問我：「究竟買咩好呢？藍罐曲奇？定係金莎？」我就話：是但啦！心意嚟嫁姐！」佢又話：「唉呀！叫你比意見呀！你真係好求奇！依家買野比你媽呀！」

最後佢就買左藍罐。
行左陣，就到我屋企樓下，佢就捉住我手臂，話：「啊！好緊張呀！如果你媽媽唔鍾意我咁點呀？.........」佢問左好多野，我就拖實佢隻手。

呢個行動就已經令佢無咁緊要。

到左屋企門口，我就敲門。我老媽一開閘，呀詩就即刻講：「伯母！恭喜發財！」我媽就四萬咁口，我就同佢講：「媽呀，佢叫呀詩啊！佢係我女朋友！」

媽媽就好歡迎佢咁話：「詩，入嚟坐啦！」





返到屋企，我就入左廁所。

到我去完廁所出嚟，發現我媽同呀詩已經好好傾。我行到出廳，呀媽就話：「喂！呀明！拎d野似出嚟比呀詩飲啦！想渴死人咩！」

我有小小唔滿意，自然自語：「車，平時又唔見你點我做野！」

就係咁，女朋友就係我屋企成日。到左5點幾，呀詩話肚餓，正想講街食野嘅時候，我媽就話：「呀詩啊，食埋飯先走啦！」

呀詩就話：「哦！好呀！」





食飯嘅時候，呀詩夾餸比我，又話：「食多d啦！你媽咁辛苦煮比你！」

平時我媽夾比我，我平日夾返比佢，依家女朋友夾比我，我又點敢唔食呀！

食哂飯之後，呀詩又幫我呀媽手，入廚房洗碗，我心諗：呢d女朋友去邊搵呀！
洗完碗又切埋生果比我食。

之後，我媽就入左房，原來係拎利是出嚟！呀詩見到我媽拎利是出嚟，就即刻講：「伯母，青春常駐。！」

我媽就同佢講：「你呀！唔好成日就個衰仔呀！整到佢成個大少咁！」

佢就話：「知啦！其實呀明平時對我好好，係人唔知姐！哈哈！」

就係咁，我之後就送左女朋友返屋企。





再返到屋企個陣，呀媽就話：呀明啊，對人好d呀！衰仔！唔好成人激嬲人呀！」
我就話：「係啦係啦！」

.........