一世回味的初戀: 第2章：相遇

其實，我好鍾意打波，成日幻想自己係Ray Allen。（無睇波未必識，曾經塞爾特人嘅三巨頭）

自問射術就同佢差好遠，但我都會不停咁練射3分。

因為熱愛打籃球，我同輝仔同埋另外兩個死黨（啊俊，啊力）每日放lunch嘅時候，都會係小食部是但買d野食，食完就衝去打波。

呢日，我同平時咁，一聽到放食晏個鐘，就衝去小食部，買燒賣魚蛋，食完就衝出球場。

由於學校禮堂要轉彎先出到籃球場，所以我就加快腳步，點知...........





砰，我撞到條友，整到我自己都擦傷左，但最慘係，我副眼鏡俾個條友整爛埋！

我拎番副眼鏡，正當我想講「頂你」嘅時候，見到一個樣子清純嘅女仔，身高應該有160，紮住小馬尾。我印象中未見過佢，當我想問佢叫咩名既時候，佢就俾左張膠布我，之後就紅著面咁去左小食部。

為左唔令佢咁尷尬，我就無追問。

啊輝問：「你仆_啊？有冇事？」
我無答佢問題，問：「個個女仔邊個黎？」
啊力就話：「咪啊瑩個妹囉！」





過左陣，我哋就上番課室。

上堂個陣，我諗
「呢個女仔，俾左種好奇怪嘅感覺俾我。
好細心............」