我發左個好奇怪既夢: #6
月黑風高，仰望天際，明月綺麗，夜光中隱約呈現昏紅的斑，
提示了我下一步的行動，遊說我這樣做是正確的。
「你終於番來嗱！」我輕輕的關門進來，便聽到看門狗在亂吠。
「你頭先咁夜去左邊呀？嚇死我啦！」
我仔細看她的臀部，被我留意到牠的狐狸尾巴在擺動。
低等的動物不值得人褻玩。
「......」我不屑的瞪了牠一眼。
牠看來有點愕然，「做咩呀？發生咩事呀......」
心虛的動物著急的問為什麼，然後故作鎮定。
這是天性使然。
我沒有理會牠，悻然坐到沙發上。
但牠卻不識趣的想坐在旁邊。
「有咩事可以同我講呀，我係你女朋友.....」說罷，牠把手放在我的大腿上，
以牠骯髒的心靈沾污我的西裝褲。
你憑什麼被我豢養？
我一手把牠的手撥開，「你仲好意思同我講你係我女朋友？」
「......吓？」牠愣了一下，此刻雖然坐著，卻活像隻被嚇壞了的貓兒。
東窗事發，一切詭計都被人看穿了。
我深呼吸，「你頭先去左邊？」
「吓？咩我頭先係邊？你頭先......」
「答我啦！」我不禁喝了一聲。
「我咪一直係屋企囉。」也別想裝作溫柔博取同情。
「發生咩事呀？最近你都好似怪怪地咁既，係咪返工太攰......」
「你仲想呃我？」
「我......我邊有呃你呀，我真係......」
「你頭先明明就同另一個男人係埋一齊！」我一面大聲說，
一面使勁拍打沙發，教小貓怕得心驚膽顫，嚇得牠全身發抖。
「吓......」牠不安的皺著眉。
「我頭先明明親眼望住架，你仲想狡辯！」
「我真係冇呀！」
我受夠了牠的胡言亂語，終於還是沉不住氣，不禁賞了牠個耳光。
教而不善，就是要打。
「你發生咩事呀，唔好嚇我呀......」牠掩住自己的側面，嚶嚶哭著。
「明明出面有個男人，都仲要係我面前扮可憐！」
「冇呀！」牠不斷搖頭，「我真係冇呀！」
我再給牠一巴掌，牠則哭得更淒厲。
「我真係咩都冇做過呀......」
「到呢家都仲要駁嘴！」
「唔係呀，我真係冇呀！嗚嗚......」
我才懶理牠的屁話。
「係出面搞三搞四，係我面前就專登扮哂溫柔體貼。
你真係好野呀你，枉我呢兩年對你咁好，
原來係我一直戇居畀你呃，真係狐狸精托世！」
「唔係咁樣架！」牠依然猛的搖頭，
「真係唔係咁樣架！」
「呢幾年扮哂對我好，又唔肯同我結婚，
原來就係想一直咁樣耍我！
你仲諗住耍我耍到幾時呀？吓？」
「我冇呀......我真係諗住......」
「諗住事業為重呀嘛。」我攤起雙手，為一切解話。
「小姐呀，好心你係諗都諗個好啲既理由呀。
事業為重喎？搵鬼信呀！」
「我真係咁諗架......」牠無理的藉口實在很刺耳。
「想畀帽我戴咪大方啲畀囉！玩我都玩到鬼鬼鼠鼠咁。
定係你自己都知自己做野唔見得光呀！」
我一手扯著牠的頭，把牠壓到沙發上。
滿臉惶恐的牠狼狽的撐起身體，卻仍不忘哭泣。
「早知今日，何必當初呀。」
牠獨個伏在沙發上，抽搐著。
大喝一頓後，我也不其然坐在地上，稍作回氣。
然後呢？
然後怎樣？
......
其實我是在想，如果我不把一切說穿，大概日子還能如常吧。
這麼一來，我便照樣有個對我好得很的「女朋友」，
繼續維持在所謂的談婚論婚的階段。
只要我隻字不提，的確可以這樣做。
然後一覺醒來，一切又能照舊了。
她仍會是對我很好很好的女人。
只要日後自己的表演好一點，蓋過情敵的新鮮感，
這關係應該尚有挽救的餘地......雖然工作已令我沒什麼表演的機會。
再說，都相識一段時間了，還有什麼沒表演出來的？
但又豈能這樣呢？
這頂綠帽竟然能如此輕易被收下？
尊嚴何在？
但如果能有方法把她留住，一齊如舊，
即使心靈能忍受點創傷，應該也沒問題吧。
畢竟，世間上絕大部分事情，都並非不勞而獲的......
然後，她就可以繼續飾演我的女友，
我亦會安守本份，被她愛上。
「你醒啦？」
就算被不識時務的晨光喚醒，亦有她呼出的空氣給我慰藉。
我吸進了那口空氣，發現這世界仍有我值得愛的事物。
「差唔多要起身啦，番工唔可以遲架。」
我凝視著那帶點傻氣的臉。
「一起身就講番工咁掃興架。」
「哈哈，sorry喎！」，然後，她掏氣地伸出舌尖。
「你公司幾時可以唔便咁忙呀。」
「唔知呀......」
「吓......」她馬上又回復一臉失落。
「唔好咁啦。」我把她抱入懷裡。
「不如咁啦，等公司個邊無咁忙個陣，我地去旅行呀！」
「好呀！」她喜上眉梢。
這女子真易逗呀，哈哈。「你話架！」
「咁......去邊好呢？」
她又做了個鬼臉，「你知架。」
我假裝思忖一會，「倫敦？」
「嘻嘻！」她緊緊的抱住我，把頭活潑地鑽到我的胸口上。
又是一個很美好的早上。