《夢裡的愛，以及人鬼殊途的她》: (十三)程郎靜詩

誤打誤撞，我亦終於來到這個地方，

五個大字「金茂坪戲院」高高的被刻在牆上，

而這間戲院看似早已荒廢，牆身均佈滿一層層白色灰塵，正門已被一道巨大的鐵閘封著。

雖然四周均有民居，但是此地的陰鬱依然是十分濃烈...

我嘗試從鐵閘的空隙窺探戲院內部，整個地方仿佛就是怨魂的聚居地般，





看似沉聲靜氣，卻又好像有東西在蠢蠢欲動......

在戲院的牆邊，有一個白髮蒼蒼的老伯手持扇子，坐在張竹椅上，

我想，這個人肯定不是泛泛之輩，

試問又有誰會坐在一個這麽陰森的地方附近優哉游哉地撥著扇子？

我決定上前向他打聽一下消息。





我說：「呀...阿伯，你好呀，我黎做功課架。」
他說：「吓！！咩公話？？大聲啲？？！」
我說：「阿伯！我黎做功課呀！！你知唔知有關呢間戲院既野呀？！！」
他說：「哦，我以前係度劃飛架！緊知啦！」
我說：「點解呢度荒廢左咁耐都唔拆既？」
他說：「呢度呀，啲地產佬想拆佢好耐架啦，但係每次搞親都有意外發生，咪唔敢搞佢囉！」
我說：「咁...你記唔記得之前火災個件事？」
他望著天空，繼續撥扇：「都廿幾三十年咯，個陣真係轟動呀，住呢頭啲人無個唔知既！」
我說：「當時係點架？」
他說：「個陣啲消防員...一個個枱住啲燒到黑炭咁既死人出黎，好鬼恐怖既！」




我說：「咁你知唔知個對情侶點解要自殺呀？」
他說：「情侶自殺？哈！報紙講你就信，當年個兩個後生仔，我識佢地架，呀郎仔同阿詩嘛。」

當年放火的情侶果然是他們？！

我說：「可唔可以講多啲我聽呀？」
他說：「佢兩個以前成日黎睇戲既，我緊認得佢地啦！阿詩佢好靚女架！似足我孫女。個陣佢兩個好甜蜜既，但係好快就出事咯。」

我說：「你入正題啦我好想知呀！！」

他說：「Pu尔呀摩！急咩呀後生仔！

其實唔係佢兩個放火自殺呀，係無那那有個痴線婆好中意郎仔，但係郎仔點會中意佢吖！人地幾錫阿詩先得架！幾窮都帶佢黎睇戲。

咁個八婆咪呷醋囉，話要殺左佢兩個，初頭以為佢玩吖？點知佢又真係憨尻尻黎真喎！你話愛情其實係幾可悲呀！





個日郎仔又帶阿詩黎睇戲，然後條女又跟埋黎......」

時間追索至1983年：
阿詩說：「阿郎呀...我唔想睇呢套呀...又帶我黎睇鬼片！」
阿郎說：「哎吔乖啦，我好想睇呀！一係下次同你睇個套『今生缘未了』吖！」
阿詩說：「好呀好呀！終於肯同我睇愛情片啦咩！」
阿郎：「黎啦入場啦，你準備好未呀哈哈！」
阿詩：「我會驚架......」
阿郎：「我買啲小食入黎，妳入去坐先啦。」

一雙幸福的背影身後，站著一個滿目瘡痍的女人，她身上提著一盒火柴盒及一瓶火水......

阿朗說：「唐叔，俾兩份麥芽糖餅同兩支汽水我吖。」





唐叔正是三十年後劉一強所遇見的老伯。

唐叔：「阿郎仔，又帶詩黎睇戲呀？你個衰野，咁正既女仔都俾你追到！」

阿郎：「你咪笑我啦。呀，係啦！幫我劃埋兩張『今生緣未了』吖，座位照舊。」

唐叔：「好！好！唉支汽水請你地飲啦。」

阿郎：「多謝唐叔！」

阿郎接過小食及兩張今生緣未了的戲飛，便步入戲院。

此刻，那個愛上了阿郎的女生突然從背後出現，抓緊阿郎，說：「如果你唔想我死既，一陣就上黎二樓女廁搵我！」

阿郎：「我都廢事理你。」





女生：「今次我唔係講笑...」

然後女生便徑自離開。阿郎見她手上的火水瓶，不敢抗命，

於是他便先到L3，L4座位，即是阿詩坐著的位置，把零食放下：「阿詩，我去一去廁所先。」

阿詩回答：「快啲返黎呀，我好驚呀！」

接著阿郎便往二樓女廁跑去。

來到廁所門前，女生一手便把阿郎拉進去。

阿郎說：「妳又想點呀！」
女生說：「乜你真係無中意過我咩？」




阿郎說：「無呀！我正係中意阿詩一個！」
女生說：「咁你依家錫我一啖吖！」
阿郎說：「神經病...」
女生說：「如果你走，我就殺左自己先...」
阿郎說：「你醒下啦...呢個世界咁多男仔，你唔一定要中意我一個架...」
女生說：「我唔理！你依家唔錫我既我就放火燒左呢度！」

阿郎深知這次女生可不是鬧著玩的，但是，即使要死，

他也不會做半點對不起阿詩的事。

可是，女年卻已經緊緊抱著阿郎，深深的吻了下去。

可悲的是，阿詩等了許久也不見阿郎，打算到廁所找他，

而這一刻，她就站在女廁的門口......

當阿郎反應過來，他卻看到阿詩哭得淚如泉湧，然後轉身拔腿就跑。

阿郎一手推開女生，打算追上阿詩，可是卻找不到阿詩的半個蹤影。

女生卻在女廁暗暗叫道：「我得唔到你，都唔會俾人得到你！！」

然後她便將火水四處潑灑，然後點起火柴，整個女廁立即火海一片，而那個女生，亦葬身於火海之中。

另一邊廂，阿郎依然不斷尋找阿詩，即使戲院內寧靜得只有電影配樂，他還是竭而不捨地喊：

「阿詩！對唔住呀！誤會黎架咋！」

他焦急的不斷找，可惜卻快不過從二樓女廁所奔跑出來的火龍，

不消數分鐘，整個戲院都被猛火吞噬，影院內的大門卻又不知何故被鎖上了，

影院內慘叫聲不斷，燒死的燒死，焗死的焗死，有些被踩死，

可是剛才走出了影院的阿郎還是一直用他的肩膀撞向被鎖上的大門，

一邊嚎哭，一邊大叫：「阿詩！阿詩！！」

然後唐叔見狀，立即拉著阿郎，說：「快啲走呀！！燒到埋黎啦！！行啦！！」

最後，唐叔和阿郎倒在戲院的正門外，一臉惘然。

阿郎卻只是不斷叫號：「嗚...嗚嗚！！詩！！靜詩！！我愛你呀！！！你聽唔聽到呀！」

到最後，阿郎，還是找不到阿詩。

時間回到二零一四年：
我一直炯炯有神地聽著，也感歎著一直就在身邊的阿詩原來發生過一件這樣的往事......

老伯說：「到最尾啲消防員確認左阿詩既死，佢屋企人將佢好好安葬，最後阿郎都唔知去左邊咯...

唉，程郎靜詩，總之就係一段可歌可泣既愛情故事啦！」

說實在，我真不知道這位老伯所說的話是真是假，可能他只是個恰巧經過，卻很喜歡說故事的老伯，

不過他說得出靜詩這名字，應該是所言非虛吧？

到了第二天，阿詩終於再附上阿怡身，來到我面前，可惜的是......