鬼節禁忌 - 紋身: 第十八節

「壬辰年七月十五日，不就是今天嗎？」
 
阿文看著通訊器的屏幕頓時呆了起來，「是通訊器的故障嗎？會否是其他同名同性的人，或是通訊器以為我搜尋的是陳啟樺而不是我想搜尋的陳啟華？」阿文緊握著通訊器。
 
「陳啟華死亡原因」阿文續問
 
「被車撞死」通訊器顯示
 
阿文看完把通訊器放回褲袋，故作鎮定扮作若無其事，他望著阿華，那相識了十多年的臉孔，原來從未有認真的看清楚過。男與男之間的朋友關係，有時不能如男女之間那樣，可以眼定定的看著自己情人的臉孔。
 




「你做咩呀？眼甘甘咁望著我，你同性戀的嗎？」阿華對於被一個男性望著感到十分不自然和反感。
 
「唔…唔係，對呢，如果有人告訴你，你還有１２小時的生命，你會有什麼東西想做呢？」阿文問
 
「你做咩事呀？為何你今日好像成個人唔同左咁？你問的問題真係好討厭！」阿華開始有點不耐煩。
 
「你答左我先啦！要認真答呀！」
 
「我會召妓，仲要係最貴最好服務的，還有要食有即開生蠔的自助餐」
 




「你個人真係好膚淺，沒有其他了嗎？不用怕醜，快點告訴我」
 
「其實如果可以的話，我想同我中學時暗戀的女同學食餐飯或者拖下手拍下拖，不過無可能啦，人地係醫生，我係古惑仔，她不會理我的啦，所以都係明買明賣，召妓就最開心，哈哈」阿華說
 
阿文感到阿華「哈哈」的兩下笑聲帶點黯然和唏噓，作為一個讀書不成再加上自己是黑社會，其實阿文自己內心深處都有點看不起自己。
 
「好啦，既然你的願望只係召妓同食自助餐，今日我地兩兄弟一齊唔返工出去慶祝下，好嗎？當然，今日所有消費我包晒，OK?」阿文說
 
「你真係當我今日就死呀？不過既然你說你請，我就姑且奉陪啦」
 




「唔係話你今日就死，只係我突然之間好想去輕鬆下，想你陪下我；我回家先洗澡之後同祖母去飲茶，那麼我再約你時間何時出發」
 
「一言為定！」阿華說完後便蓋上眼睛，在巴士的座位上小睡片刻。
 
巴士駛到屯門公路，經過昨日出事的交通意外現場（詳情請睇第三節），阿文想起自己突然靈魂出竅，成為鬼差被判入火山地獄的經歷；他還記得金色腰帶鬼差說過如果再有失誤，就要被判去十八層地獄。
 
「情與義　值千金」阿文在腦中想起了這句廣告Slogan。
 
「既然我知道阿華死亡的時間和原因，那麼我可否改變那將會發生的事實？」