紙言

<網上交友的第一次> 憑感覺愛上你: 番外篇：Christy姪女？嘻嘻





我好想再見Christy，好想同佢玩，唔知仲有無依個機會呢？答案係 有。 事實上，一日佢屋企人喺度，試問我又邊夠膽同

Christy見面？不過如果我係 Wilson女朋友 嘅話，就唔會無可能；最後，我亦的確做到。

見家長係好多情侶必經過嘅事情，但我嘅第一次係要見無數嘅家長。今次見家長嘅目的有啲搞笑：證明比各位親友知，Wilson

有女朋友！先澄清：Wilson絕唔係因為樣衰而咁耐先無女朋友。親戚無數次問Wilson點解幾年都無拍拖，Wilson已經聽到煩

了，亦無可解釋，今次佢帶我去參加佢親戚嘅盛會，以行動回應。今日係Wilson舅父嘅生日，於酒樓擺3圍酒席，Wilson將我





帶到酒樓，唔知係咪已經騎劫人地嘅壽宴，從而成為焦點？

為比各親戚一個良好印象，我特意買一條新嘅裙去參加Wilson舅父嘅壽宴。狡猾嘅Wilson向我講要壓軸出場，所以佢想最後一

個入場，我真係比佢吹脹，但係我亦無異議。原定時間8：30pm開席，我地8：35pm先入場，當然，開席時間點會準時？我

地入到去啲人仲打緊麻雀，傾計。Wilson推開對門，我手繞著Wilson手臂，笑面迎迎對住各位親友。場面係咪有啲似結婚步入

教堂？當時我的確幻想著咁嘅情形入去。入到去，行埋我地身邊嘅係Wilson啲姨媽姑姐。『偉廉，你嘅女朋友呀？』『你終於





拍拖拿？』『幾襯喎』『幾時結婚呀？』一大串問題，Wilson只係係咁岌頭，同埋講係呀係呀。Wilson嘅舅父行到埋嚟迎接我

地....

Wilson舅父：『喂偉廉，你嚟拿』

Wilson：『haha，係呀』

Wilson舅父：『你今日搶我鏡喎，帶個咁靚嘅女朋友嚟haha』





Wilson：『唔敢唔敢，舅父生日快樂！祝你身體健康！』

我：『uncle你好，我叫Kelly，祝你生日快樂，青春長駐』

Wilson舅父：『haha，偉廉你依個女朋友真識講野』

Wilson舅父：『kelly呀可，偉廉佢蝦你嘅話我聽！我幫你鬧佢！』

我：『haha，放心啦，佢好錫我架』此時我同Wilson笑著對望

Wilson舅父：『哎吔，真肉麻，陣間你地盡情食啦喎』

Wilson，我：『嗯』

講完之後，我四圍望下睇下見唔見Christy，喺間房嘅最後一張枱，我見到Christy，佢身邊應該係佢嘅媽咪，當我望實Christy





時，佢竟然留意到我，我向佢揮手，佢即刻好驚奇，Christy即刻從張登落地，走過來，嚟遠都聽到Christy媽咪話：Christy你去

邊呀？Christy跑過嚟，我放開Wilson隻手，走前迎接Christy，依個時候，Christy用佢嘅尖聲大叫：舅母！我抱住Christy嘅時

候，霎時周圍嘅人聲減細咗，只聽到麻雀洗牌嘅聲，我就知Christy所叫嘅舅母已成為焦點。我同Christy悄悄話：Christy，咪講

咗叫我姐姐囉！Christy掩住口笑：嘻嘻。我抱起Christy望住Wilson，希望佢可以幫我解圍，我打晒眼色，點知Wilson唔理我！

依個時候有人出聲：『咦，點解佢會叫你做舅母嘅？你地之前見過？』

我：『haha，細路女玩下姐，係呀，我地之前見過，我同Christy好friend架，可，Christy？』

Christy：『Yes！我鍾意舅母！』





我再次跟Christy悄悄話：『殊，姐姐呀』

我帶Christy返番去佢媽咪身邊，同埋向佢媽咪同伯母正式介紹自己同打招呼........


 今次真係完