<網上交友的第一次> 憑感覺愛上你: 第二十三章：你的真愛其實就在你身邊 （2）

 （以下我將會以第三者敘述）
時間已過個半星期，Kyle所講嘅email仲未出現，正當Kelly以為封email唔會有嘅時候，電話嘅提示聲響起。Kelly拉下功能欄，

發現Gmail嘅icon，旁邊出現Kyle Chung依個名。Kelly開始緊張起來。要到嘅始終會到，而Kelly一直渴望嘅解釋將會係幾秒內

出現佢眼前。       



Kelly隻手睇完就開始微微咁震了，佢千想萬想都諗唔到原來佢做咗人地既第三者，更加想唔到佢嘅第一次初戀就愛上人地既

爸爸。Kelly嘅情緒開始失控，佢崩潰地喊咗出嚟，避免爸爸媽媽聽到佢嘅喊聲同索鼻水聲，佢只好抑壓自己嘅情緒，但咁樣

只會令佢更加辛苦。佢攞起隨身物，襯父母喺房就快脆離開屋企。Kelly喺樓下屋企坐，又不停喺屋苑走來走去，最終佢去咗

七仔買咗幾罐啤酒，然後坐喺屋企附近嘅石灘，打算海浪聲同啤酒能夠令佢麻醉自己，等自己唔好諗任何野。一罐啤酒飲完又

到另一罐，幸好，Kelly仍然清醒。夜幕當中，一片環境清靜，人們寥寥可數，顯得浪聲非常之大，但Kelly仍然聽到佢電話嘅

來電聲。





『舅母！我要訓覺了，我想聽你講故仔』

『Christy？對唔住呀，舅母無心情，唔知講咩好，下次先同你講，好嗎？』

『哦』

Wilson：『點呀？』

Christy：『舅母話無心情，唔知講咩呀』

Wilson：『下？你比我聽』

Wilson：『喂，Kelly？』

Kelly：『嗯』

Wilson：『你係邊呀？我聽到海浪聲嘅』

Kelly：『無』

Wilson：『你把聲咁嘅，你依家自己一個呀？』

Kelly：『嗯』





Wilson：『你係邊？我嚟搵你』

Kelly：『唔駛了』

Wilson：『依家咁夜你都唔會去得遠，你係咪喺你屋企附近個石灘呀？』

Kelly：『嗯』

Wilson：『你等我呀！咪做傻事！』

Kelly：『痴線！』

喺Wilson嚟到石灘之前期間，Kelly已經飲咗3罐啤酒。依刻嘅Kelly開始覺得有啲凍，佢雙手抱緊膝頭，眼甘甘望住一望無際嘅

大海，即使佢唔係等Kyle，佢都唔想返屋企。無幾耐，有人從後將件衫披喺Kelly嘅膊頭上，然後坐咗喺Kelly隔離。Kelly微微

轉頭望向Wilson，眼淚一行線流到下顎嘅位置，Wilson就估到係關於咩事。

『佢又搵你呀？』

『原來我做咗人地第三者』Kelly一路講一路喊

Wilson此時隻手掂向Kelly塊面，好輕手咁用隻手指公幫Kelly抹去眼淚

『既然過去咗，就唔好再諗了，並唔係你嘅錯』

Kelly聽完Wilson嘅說話，更加喊得更厲害。Wilson無再講任何嘢，只係以微笑應對Kelly。Wilson將Kelly嘅頭移向佢嘅膊頭，隻

手就好似氹小朋友訓覺咁，一下一下拍向Kelly嘅手臂。無聲中安慰Kelly，咁就一個晚上。第二日，Kelly喺睡夢中比Wilson拍

醒，Kelly慢慢擘開眼，佢發覺原來佢一整晚都瞓係Wilson嘅大髀上，之後就慢慢起身望向Wilson。

Wilson：『起身望下個日出啦，我諗你應該無乜點見過』

Kelly隨後望向日出，之後笑得好甜咁望返Wilson。

Wilson：『係咪好靚呢』

Kelly：『嗯，非常之靚』

Kelly：『多謝你陪咗我成晚，你係咪無訓過覺？』

Wilson：『有得挨住舊大石頭都訓到d嘅，只係無你訓得咁舒服啫』

Kelly：『嘻嘻，真係好多謝你』





Wilson：『咁你請我食早餐啦』

Kelly：『無問題！』

後來Kelly返到屋企，自己一個人喺間房到偷笑，佢諗返起琴日Wilson將件衫披喺佢膊頭上，又再次幫佢抹眼淚，而且成晚仲訓

喺Wilson大髀上面，之後更一齊睇日出，成件事對Kelly嚟講變得好浪漫。兩日Kelly嘅情緒對比的確好大，最緊要佢慶幸有

Wilson成晚陪佢，令到Kelly覺得佢自己真係鍾意咗Wilson。