<網上交友的第一次> 憑感覺愛上你: 第二十二章：不要道歉，只求解釋

接近黃昏時段，Wilson送Kelly返屋企，帶點睡意嘅Kelly喺巴士上慢慢入睡，冇幾耐，Kelly嘅來電鈴聲嘈醒咗自己。佢攞起手機睇，並無來電顯示，

Kelly誤以為係廣告電話，所以cut線。幾秒後，電話再次響起.... 有些少煩躁嘅Kelly毅然接起電話。

『喂？』

『.......』

『喂？』





『係我......』

Kelly 全身霎時變得僵硬，而佢嘅氣促開始變快。

『你打嚟做咩』Kelly好唔友善咁講

Kyle：『睇下你做緊咩』

『乜你仲識關心我架咩？』





Kyle：『你係咪好嬲我？』

『如果我咁對你，你會點？』

Kyle：『好對唔住』

『你唔需要同我講依三個字，依三個字只留比有機會改過嘅人，但你唔會有依個機會』

Kyle：『我地會唔會有機會做返朋友？』





『你全部block晒我，仲問我依個問題？』

Kyle：『其實我無玩過你，我係真心鐘意你，但係......』

『唔好話我聽你有絕症，我唔會信』

Kyle：『比依個更加嚴重』

『從你block晒我果刻，我好嬲你，因為你不辭而別，就算你依家搵番我，已經無任何原諒可言，我只求解釋』

Kyle：『我唔知點親口同你講，我寫email比你好嗎？』

『你鍾意』冷漠地講

隨即，跟以往一樣，Kyle係先收線。心情仲未平復嘅Kelly不禁流下眼淚，身邊嘅Wilson見狀





不知所措，唯有遞張紙巾比Kelly，但Kelly無反應。

Wilson：『依d衰人唔值得你為佢喊』

Kelly：『我無唔開心...只係...我仲好嬲，點解佢要咁對我』

Wilson：『傻妹嚟嘅，攞張紙巾抹咗啲眼淚喇』

kelly：『唔駛了』隨即用隻手抹就算

Wilson：『你睇你，就咁用手抹搞到塊面有眼淚痕啦』

Kelly：『我點睇到喎！』





Wilson：『haha又係喎可，你呀，成個Christy咁』一邊講，一邊好細心咁幫Kelly抹走眼淚

Kelly：『姐係點？』頭擰轉望向Wilson

Wilson：『啱啱喊完嘅衰樣囉』

kelly：『乜你咁話我架！我都無喊！眼濕濕，流咗幾滴眼淚啫』尷尬地笑

Wilson：『笑返咪幾好』

Kelly：『你囉！』

Wilson：『你係咪讚緊我呀？我會怕醜架喎』

Kelly：『haha，痴線！』





電話過後，好彩Wilson一路都有陪住Kelly，氹番佢笑，又細心為佢抹眼淚，讓Kelly感到一啲暖意，否則Kelly自己一個人嘅時

候會亂諗野，由嬲慢慢演變成唔開心。