<網上交友的第一次> 憑感覺愛上你: 第十一章：珍惜眼前的他

謎底終解開，無形人是Wilson，撞我的是Wilson，王偉廉是Wilson，剛才的Wilson是Wilson。承諾對我黎講的確好重要，你突

然間唔再回應我，係我同你之間無法再做朋友嘅致命點，以致承諾一同消失。剛才所發生嘅情景再次令我勾起傷心嘅回憶，一

個連我自己都無法理解嘅回憶。原來這個回憶成為了我人生之中其中一個烙印，一個真相令這個回憶從深底處再次勾起。

我返到屬於我嘅座位，望住空無一人嘅office，突然有一種『個天想玩我』嘅諗法，過去已成過去，點解偏偏要比我遇見佢，

仲要係真實世界相見。奇怪嘅係自己好介懷依段短短只發生一個月嘅回憶。或者，當初係我好著緊我同佢嘅一段網友關係，之

後將果個著緊嘅感覺延伸到依家。雙眼慢慢移去左邊，望到今朝Kyle送我嘅花，霎時將我回復狀態。無錯，Kyle係我嘅現在，

一個我依家深愛嘅男人，望住扎花，我不禁甜甜咁笑起嚟。

依個時候，我聽到腳步聲，我覺得好奇怪，明明啲同事未到最後一分鐘都唔會返嚟office。我望去門口，喺我驚緊會唔會係老

闆返咗嚟嘅時候......原來係Kyle。

『原來你真係喺度』Kyle一步一步行近我依邊





『你點解會上嚟嘅？』

『我唔見你喺canteen，咪諗到你依個傻妹又唔食野囉』

Kyle摸摸我個肚：『咁我依家餵飽依到先』

佢上嚟嘅時候帶咗個外賣，我打開飯盒，係我最鍾意食嘅海鮮伊麵，仲有一杯凍檸茶。Kyle拎咗張凳坐喺我隔離，含情脈脈咁

望住我食。距離完lunch嘅時間得返10分鐘，我即刻趕Kyle走，費事同事見到尷尬。Kyle

臨走前講咗一句『放工上嚟接你』。依句話成為我下午嘅精神支柱，我分分秒秒都好比心機去做Katy assign咗比我嘅工作，

務求能夠準時放工，之後同Kyle拖手仔返佢屋企慶祝我嘅生日。

不過我嘅能力始終有限，時間已到6：45pm，仲有2份文件未打，我見到Kyle已經企喺門口，佢用口形講『做完未』，我唯有

好sad咁擰頭。

Ada依個時候行到我身邊：『得啦，等我同Jessica搞掂佢，2份野啫，一人一份好快搞掂，你走啦』

聽到依句，我好感動，我感動到即刻捉住佢塊面錫咗一啖，然後又走到Jessica身邊獻佢一個吻。我攞起手袋，一支箭咁飛向

Kyle投入佢嘅懷抱，極速同佢咀咗一啖就拉住佢轉身快快走人。

Kyle屋企好近公司，搭地鐵2個站就到。返到去，Kyle已經急不及待攬到我實一實





Kyle錫我一啖之後，就去廚房準備晚餐，我喺Kyle嘅床休息咗陣就去沖涼。

我出返廳嘅時候，枱上已經擺好食物，Kyle正在為蠟燭點火，然後邀請我行過去。Kyle為我準

備我最鍾意食嘅牛仔骨同埋佢拿手嘅意大利粉，碟嘅一邊亦放咗一小份糧嘅薯蓉。第一次同愛人慶祝生日，我真係過得好開

心。食完後，我地就好似一對小夫妻，我負責洗碗，而Kyle就負責清潔張枱同抹乾淨啲碗然後放喺櫃入面。 Kyle沖完涼入房，

佢立即撲向黎錫我，不過大家做咗成日野已經好攰，Kyle從後攬住我睇咗陣電視，之後我地就熄燈相擁而睡。 

唔知點解，半夜我突然醒咗，我發現Kyle唔喺我身邊。我出到廳，我發現Kyle傾緊電話，佢鬼鬼祟祟縮埋一邊咁講，我無特別

留意佢講咩，我怕佢知道我起咗身，所以我即刻返房繼續訓覺。