<網上交友的第一次> 憑感覺愛上你: 第七章：熱戀期

  ↵從果日開始，Kyle每晚都會等埋我一齊放工，然後送我返屋企。放假嘅時候，得閒睇下戲，行下街，之後一齊拖住手仔返屋

企。基本上，同一般情侶無乜分別。Kyle佢好就我，而且佢都好容易話為，所以我地好少意見不合同鬧交。特別傾到香港社會

及政治問題嘅時候，我同佢都係企喺同一陣線，係咁鬧政府。七一遊行，我地2個會手拖手一齊同其他市民步行去政府總部。

佢好照顧我，周不時幫我抹汗，又遞水我飲。我有依個男朋友，我真係覺得自己好幸福。 我覺得，最慘嘅時刻就係每次佢送完我返屋企，

我都會好唔捨得佢。每次臨走前攬一攬，我都超唔想鬆手，奈何總要有一個人做決絕果個。好多時，都係Kyle要慢慢拎開我隻手，





然後錫我一啖，然後話『返到屋企即刻call你』。佢總係要睇住我入lift佢先安樂，而佢永遠都唔會知道每次我係lift入面都扁晒嘴。

返到屋企，我次次都要攞部手機出嚟睇我地當日嘅合照，睹物思人。

重睇message亦都係我每日臨訓前嘅指定動作，基於我同Kyle喺返工嘅時候都唔可以傾電話，咁唯有whatsapp對方，有時我

地啲對話幾搞笑，我同佢就最鍾意玩角色扮演。








 Kyle自己一個人住，自從我去過佢屋企之後，我就成日賴死唔走，每次都好想喺佢屋企過一晚夜。有一日，食完Kyle煮嘅飯，

我就走咗去佢間床....

『喂！污糟邋遢走上我張床架』

『晤，我好眼瞓呀』

『你隻野，又唔想返屋企！』





『我好唔舒服呀，你比我喺度抖下就無事架啦』

『抖幾耐先？』

『um….一晚就夠！』

『唉，無你咁好氣，嗱！至許一次咋！』

『嗱！你話架！』我即刻彈起床

『哦！都話你扮哂野架啦！』

『呀，個肚好痛呀，我好唔舒服呀』我即刻扮掩住個肚





依個時候Kyle攬住我：『依家仲痛唔痛先？』

『hehe，唔痛lu』

Kyle佢實在唔忍心見到我因為佢唔比我留夜而唔開心，所以佢決定比我每星期留一晚夜。