《星空之願》(前稱:3A班死亡遊戲): 二十七、

永誠沖洗完畢，推門而出，赤身立於樂希與阿偉的兩張下格床中間，水滴順著他的胸膛滑落。

樂希與阿偉已穿好衣衫，見永誠出來，二人立即從阿偉的左邊下格床上起身，站至床中間，凝視永誠。

房內沉默了數十秒。永誠著低頭緊握拳頭，率先開口說：「樂希，阿偉，我同你哋道歉。我沖咗涼冷靜落嚟諗，你哋淘汰咗喺房，的確冇嘢可以做。我明白你哋話驚死之後冇得見嘅心情，我發嬲係因為……」

他停頓片刻，眼眶泛紅，繼續說：「因為我目睹暐軒慘死，血流滿地，佢斷氣嗰刻我救唔到，仲要拉走佢隊友，我情緒控制唔到......」

樂希低頭，細聲說：「永誠，對唔住……係我哋做得唔啱，時機真係唔啱，我哋唔應該喺呢啲時候……」他聲音顫抖，停頓一下，說：「暐軒死得好慘，我哋都好傷感。」





阿偉眼眶泛紅，緊握樂希的手說：「係我唔啱，係我叫樂希咁做......但我真係好驚會死，驚以後見唔到樂希同你哋，先會一時衝動，對唔住，永誠。」

永誠抬頭，望著二人，淚水滑落，輕輕搖著頭說：「好啦，咁既然大家都有唔啱，打和啦，我哋唔可以嗌交，要團結，如果今關冇事，我哋繼續一齊努力啦。」他伸出手，阿偉與樂希點頭，阿偉說：「兄弟，多謝你。」樂希說：「永誠，我哋一齊撐下去。」

三人在床中間握手相持，淚水與笑意交織。

一會兒後，樂希害羞地問道：「呀，但係永誠，你做咩唔著返衫先？」

阿偉隨即說：「係囉。」





永誠一愣，低頭看了看自己，低聲說：「哎呀，啱啱都冇拎乾淨衫入去。」

他笑了笑，望著樂希說：「話時話，樂希，我留意到你都偷望咗我下面好耐喇喎，未見過巨龍咩？」說罷，他拿起自豪的巨物晃了兩下，邪笑著望向二人。

阿偉指著自己，反駁說：「咩呀，佢見過啦！」

樂希掩眼，小聲地說：「都真係好大……」

永誠再說：「你都未見過佢起身嘅時候，包嚇死你。」





阿偉佯裝吃醋，喊道：「得喇永誠，我樂希唔會想知，快啲著返衫啦！」

永誠笑著取衣，說：「好啦好啦，唔使妒忌我啦喎。」

三人嬉笑，房內氣氛終於輕鬆了些許。

這時計時器顯示尚餘2分鐘，教學樓內的戰鬥已進入尾聲。