《星空之願》(前稱:3A班死亡遊戲): 二十三、

樂希與阿偉因名牌被搶，跌跌撞撞回到一號房。

房內光線昏暗，窗外傳來教學樓內的混亂聲響。

樂希推開房門，低頭坐於阿偉的左邊下格床上，垂頭喪氣，細聲說：「對唔住，阿偉……係我拖累埋你。」他低頭凝望著地板、眼眶泛紅。

阿偉坐到他身旁，攬住他的肩膀，低聲說：「傻豬，我哋咁熟你唔係同我講呢啲呀嘛？」

「但係……如果唔係我跌親，你返嚟扶我，你同永誠同曉峰一定一齊走到。」他的聲音帶著顫抖，內疚如重石壓在心頭。





阿偉握住他的手說：「我唔俾你咁諗，無論遇到咩事都好，我都會返轉頭救你，呢個係我嘅責任。」

樂希搖頭，細聲說：「我想去沖涼冷靜吓。」他起身，走向房內浴室。

阿偉跟隨進去，低聲說：「我陪你一齊沖。」

樂希一震，臉頰微紅，細聲說：「……唔使啦。」

阿偉卻笑了笑，說：「你而家咁樣，一個人我唔放心，況且我哋係情侶，怕咩？」他打開花灑，溫水灑落，二人於水聲中褪去衣衫，蒸汽瀰漫。





阿偉握住樂希的肩膀，溫水沖去二人身上的汗水與塵埃，他溫柔地說：「樂希，聽我講。你跌道自己都唔想，我係你男人，點會睇住你有事，唔返轉頭救你呢？」

樂希低頭，水滴混雜著淚水說：「我覺得拖累咗你……」

阿偉攬著他說：「上個遊戲你救咗大家，冇你嘅平票提議，我哋全部可能死晒。你咁聰明，咁善良，根本唔擅長呢啲打鬥遊戲，所以唔需要因為咁而唔開心。」

溫水流過二人，樂希點頭，淚水仍流個不停，他抬頭望著阿偉，細聲說：「老公，多謝你……我真係好愛你。」他緊緊抱著阿偉的腰，因身高差頭剛好埋進阿偉胸前。

阿偉笑了笑，攬緊他說：「我都愛你，傻豬。」二人於浴室相擁，水聲掩蓋了他們的低語。





抱了一會，樂希輕輕推開阿偉，凝視著他，認真地說：「我哋今個遊戲係咪有機會死？」

阿偉回應：「坦白講，係，我唔會呃你，我唔覺得我哋同心然佢哋合作到......啫係有一半機會......」

「咁我哋咪冇得再見......」樂希想到這又再落淚。

「希望唔好......」

沖浴完畢，二人拭乾身子，忘了攜帶衣物，遂赤身走出浴室，坐於阿偉的床上。

樂希拿起衣衫，欲穿上，阿偉含情脈脈地著抓住他的手，阻止他，低聲說：「樂希，我諗我哋真係有機會死，而家可能係最後嘅相處時間，不如我哋.....」

樂希臉頰緋紅，細聲說：「吓？但佢哋仲喺出面比賽梗……」

阿偉語氣挑逗，將唇貼緊樂希的臉：「係呀，但我哋都冇嘢可以做。同埋如果最後輸咗我哋會死，咁今次就係我哋最後嘅機會喇……」





他握住樂希的肩膀，湊近他耳邊輕吹一口氣。

樂希害羞地低頭，細聲說：「嗯……」他點頭應允，臉紅至耳根。

阿偉笑了笑，輕輕將他推倒於床上。

計時器顯示尚餘30分鐘，教學樓內的戰鬥未停，一號房內卻即將掀起另一場大戰。