《星空之願》(前稱:3A班死亡遊戲): 十一、

話音剛落，六號房的阿強與五號房的司徒千樂二人頸圈同時「嗞嗞」作響，二人落得和之前的阿龍和銘謙同一命運。 

燒焦味又更濃烈，就算已多次見到這場面，眾人還是驚叫連連，哭泣聲此起彼落，樂希哭喊道：「阿強、千樂......」 

廣播機械聲又再響起：「善忘者已處決。今天的遊戲結束。參加者請自行回房。請直接回房，回房後不得再外出，直至另行通知，違規者處決。請留意明天早上集合時間廣播。」 

存活的23人呆坐片刻，開始有同學戰戰兢兢地離開禮堂。樂希驚魂未定坐在椅孖上流淚。阿偉走過來拍拍啦：「樂希，我哋返房先啦。」永誠站起身，眼神仍帶點驚恐：「我哋一齊返去啦。」曉峰也默默起身，跟在後面。 

四人與其他同學緩緩離開禮堂，腳步虛浮，無人敢四處張望，直奔宿舍。 





回到一號房，樂希立刻走向阿偉的左邊下格床，坐下靠著他，細聲說：「點會咁……咁多人死咗……」眼淚滴在褲子上。

阿偉用手輕輕地摸著頸圈，低聲說：「我哋點算，有冇辦法求救？」他抱了抱樂希，聲音帶著顫抖，平日熱情被恐懼壓抑。 
「我哋啲電話一早俾張sir收曬……」永誠說。學校為免同學沉迷電子用品，規定宿營活動中一律禁止用手機，所以在宿舍第一天，樂賢就已將眾人的電話收起。 

曉峰在房中央來回踱步，若有所思地說：「其實......張sir同潘姐去咗邊？佢哋係俾人捉走咗，定係同呢啲事有關......」他說罷看到樂希無助的眼神，又補充到：「Sorry ,樂希，我唔係有心懷疑你阿哥，只係喺到分析唔同嘅可能性。」 

樂希靠在阿偉身上，眼淚仍未乾，但堅定地說：「唔使道歉你都係理性分析……但我信阿哥一定唔會咁做。」 阿偉攬緊他，附和說：「我都唔信，賢哥同潘姐點會搞呢啲怪事？應該有其他人，佢哋可以俾人捉走咗。」 

「算啦我哋而家都唔會諗到，唯有見步行步啦……」永誠低聲說。 





曉峰回應：「嗯，暫時我哋唯有跟住廣播做先，再搵下有咩機會求救。」 

四人在房內低聲討論，死亡的陰影籠罩心頭，一陣淡淡的、熟悉的燒焦味透過門縫傳進房間。 

「你哋聞唔聞到......點解又有呢陣味……」阿偉疑惑地問。 

「可能有人犯規出咗去，之後……」曉峰分析。 

「算啦……曉峰唔好再講啦，我唔想再聽......」樂希打斷他。 





「嗯......」

當晚，樂希與阿偉一同睡在左邊下格床上，樂希縮在阿偉懷裏，驚恐未散，久久未能入睡。 

不知甚麼時候，樂希進入了夢鄉，夢見一個男孩子，他的樣子模糊，感覺既熟悉又陌生。他在前方的陰影處痛哭，哭聲惹人鼻酸。樂希想走近安慰，但男孩的身影卻愈來愈遠。 

樂希再醒來，仍然是深夜，他抱緊仍在睡夢中的阿偉，閉眼嘗試再睡。