《星空之願》(前稱:3A班死亡遊戲): 二、

樂希、阿偉、永誠與曉峰四人拖著行李，走進一號房。房間不大，兩張上下格床靠牆而立，中間放著一張小桌和幾把凳子，牆上的舊油漆有些剝落，帶著宿舍特有的陳舊氣息，角落還有一個小小的浴室。 樂希望著這一切，感到既親切又陌生。

永誠果斷爬上左邊上格：「上格床景色好啲。」「我瞓下格得唔得？」樂希運動神經一般，爬上格頗為吃力，細聲說道，望向曉峰。曉峰平淡說道：「我冇所謂，你哋揀。」樂希道謝，將行李放在右邊的下格床上。阿偉笑著將背囊扔在左邊下格床上：「咁我都揀下格！」曉峰則沉默地將行李放在右邊上格，爬上去整理，沒有多言。 

四人輪流在房內的小浴室洗澡刷牙。待一切安頓下來，永誠在上格拍了拍手，笑著說道：「不如我哋講鬼故啦，夜晚宿營最啱做呢啲！」阿偉立刻興奮地附和：「好！要講啲恐怖嘅！」他瞥了樂希一眼，但知道樂希膽小，但用眼神承諾會陪他。曉峰坐在另一邊上格，平時內向的他與這三位同房並不熟悉，但想嘗試結識新朋友，點了點頭，低聲說：「好啊。」樂希一聽「鬼故」，心跳加速，手指緊攥著床單。他很害怕，但見大家都興致勃勃，又看到阿偉的眼神，不想掃興，半推半就地細聲說：「好……好啦，但唔好太恐怖……」 永誠跳下床，笑著說：「好啦，整啲氣氛先！」他走到門口，「啪」一聲關掉燈，房間頓時陷入黑暗，只剩窗外微弱的月光。

四人擠在阿偉的左邊下格床上，樂希縮在最裏面，阿偉坐在他旁邊，永誠和曉峰靠著外圍。 黑暗中，永誠壓低聲音說道：「好啦，我講先，話說呢棟宿舍樓後面，咪有間房鎖住咗嘅，佢係舊校長室嚟。好多年前，有個校長喺嗰度自殺，佢死咗之後，有人話半夜見到入面有藍色鬼火飄緊，仲聽到枱櫈移動嘅聲音。有個舊生話，佢試過夜探校長室，見到鬼火慢慢變成校長嘅樣，攞住支筆指住佢……」樂希一聽，身子縮得更緊，手抓著阿偉的衣角，細聲問：「真……真㗎？」永誠笑了笑：「唔知呀。」 

輪到阿偉，他坐直了些，清了清喉嚨：「我講一個，宿舍三樓男廁嘅事。話說以前有個學生喺去完三樓廁所就失咗蹤，之後有人話夜晚經過，會聽到沖水聲同腳步聲，但入去開燈就乜都無。有次有個宿生半夜去廁所，見到鏡裏面多咗個黑影企喺佢後面，佢一轉身，影就唔見咗，但佢話嗰陣覺得有啲冰冷嘅嘢掂佢條頸……」樂希聽到這裏，忍不住震了一下，低聲說：「唔好講咁多細節啦……」阿偉忍住笑，拍了拍他肩膀：「好啦，講完，下個邊個？」





曉峰細聲開口：「我……我都講一個，聽高年級講嘅。話說操場有隻神出鬼沒嘅黑貓，夜晚會出現，眼睛發綠光。有人話見過佢喺操場中間叫咗一陣，但走近就會突然唔見咗，佢叫聲好怪，唔似貓叫但好似女仔講嘢咁。有個學長話，佢之前好似我哋咁喺學校宿營活動，聽到敲門聲，一開波就見到隻黑貓，好詭異咁望住佢哋，之後仲......」 

突然，「咚咚咚！」一陣急促的敲門聲響起，四人皆是一驚。樂希嚇得忘了顧忌，直接縮進阿偉懷裏，震得厲害，連話都說不出。阿偉愣了一下，低頭見他如此驚恐，輕輕攬了攬他，樂希攬緊阿偉的手僵住，永誠和曉峰坐直身子，凝視著漆黑的門板。 

房內無人出聲，空氣彷彿瞬間凝結，靜得連呼吸聲都清晰可聞。