[廣東話小說] 天工號 第一季: 5

5. 
「你唔好迫我...」孫運望住我: 「我o係屋企裝左攝影機, 你每一次屌我老婆, 我都影得好清楚。你唔幫我, 你都玩完。」 
我一手扯住佢件衫: 「我屌你老母! 大家咁耐兄弟, 你咁對我?」 
佢陰陰咀笑: 「哈, 兄弟, 你點對我, 我點對你咋, 你俾間公司我, 大家當無數」 

「你覺得我會唔會為左一個女人, 放棄間公司? 放棄值幾百億既公司?」我慢慢將手伸向褲袋。 
孫運突然好似睇到我諗法咁, 佢求我: 「你等陣, 唔好殺我住, 你等陣, 我有佢地隻試藥, 我求你唔好殺我住。」 
佢不停掙扎, 佢跌左o係地, 慢慢爬去自己個袋度, 一面口講: 「唔好住, 你等我一陣先, 你等我。」 
佢伸左隻手入袋, 我見到咁, 知道佢都諗住殺我。 
我即時一個箭步衝過去, 揪住佢o係地, o係袋入面拎左支細口徑兩發子彈手槍對住佢個頭。 




o個一秒, 我以為自己會諗番起所有同孫運既經歷, 我地細個一齊踢波既野 
但係我咩都諗唔到, 淨係諗緊, 我開槍時槍聲咁大, 點樣走得甩 

突然間, 我就黎開槍既時候, 見到孫運右手度拎住一支針筒, 佢係o係佢個袋度拎出黎既 
佢突然好有自信咁講: 「你依家殺我唔到, 我唔會再死。」 
然後佢竟然一手將支針筒, 插落自己心口度。 

我睇住孫運全身皮膚, 慢慢變成白色, 我睇到佢每一條血管。 
感覺好奇怪, 我嚇到向後跌, 睇住孫運繼續愈黎愈白, 然後開始...融緊? 
我見到佢好似愈黎愈細, 佢身體o係度融緊, 個感覺好奇怪, 怪到我忍唔住想嘔。 




然後佢愈變愈細, 我發現佢全身都好似向心口縮細緊, 正確d講, 我覺得佢全個人俾佢個心臟吸收緊。 
孫運用一把好奇怪既聲, 低沉得好詭異既聲講:「再見喇, 我永遠都唔會...」 

我忍唔住嘔起上黎, 場面實在太奇怪, 佢變左一灘水, 再俾自己心臟吸收番。 
其實當時我係唔知佢俾心臟收吸左, 我知道係因為 
3分鐘之後, 我唔見左孫運, 剩番一堆濕漉漉既衫。 
然後我見到既野, 我依一世都唔會忘記, 
我揭開d衫, 見到一個心臟, 係我地o係任何教科書都見過既心臟。 
一個仲會跳動既心臟。