淫亂Office: Ⅰ﹕(3) 收工 - 晴天霹靂
就係咁，吹吹吓水、扮吓工就又過一日，我決定將Emma吩咐我嘅嘢留返聽朝先做，嗱嗱聲收工走人。
因為Loraine坐喺貼近公司門口嘅位置，所以我一夠鐘收工經過佢個位嗰陣，我都禮貌性咁同佢Bye一聲。
「咦你走啦？係喎你唔講我都唔覺添！喂等埋啦，好快！3分鐘！」然後佢冇等我應承就埋頭熄電腦同埋執嘢，好似我一定會等佢一樣。
而比靚女同事咁樣一叫，毒撚性格嘅我又真係忍唔住想等埋佢，話唔定會有機會呢哈哈。
「行得！」以女仔嚟講佢又真係幾誠實，話3分鐘就真係3分鐘搞掂。
「你今日都係搭鐵？」因為遲咗少少走，避開咗放工搭Lift嘅高峰期，所以Loraine喺空礦嘅Lift度打破沉默。
「係呀！見順路所以咪等埋你囉哈哈！」
「其實今朝我係咪見到你？有個好似你嘅男人同我打招呼，但我少少近視唔係好睇得清楚，到我攞返副眼鏡出嚟又唔見咗人。」佢個樣講得好真誠唔似講大話，更何況佢都冇必要再揾返件事出嚟講。
「係呀！原來你見到我，仲以為你咁串唔認人添笑死！但係原來你有近視？平時都唔見你戴眼鏡。」
「哦我平時返到公司就會戴Con，望落冇咁薯呀嘛。」佢笑起上嚟真係猶如仙女下凡一樣，我即刻嬲佢唔落。
叮噹！
架Lift終於落到地面，一路行出大廈都有講有笑，但係突然Loraine好似係望到手機嘅一個Message通知，面色就唔同晒。
「唔好意思呀Alvin！我男朋友話叫我等埋佢收工，你走先啦！」佢應該係唔好意思求先要我等埋佢，點知最後都係要分開走。
而我當然係晴天霹靂，唔係因為等咗咁耐先變返自己走，而係佢原來有男朋友。
我嘅臉色一下子灰沉起嚟，但係沉澱一秒之後就瞬間若無其事咁同佢講︰「哦~咁緊係唔阻你拍拖啦，聽日見啦Bye Bye！」然後頭也不回咁走咗去搭車。
......
......
......