淫亂Office: Ⅰ﹕(1) 地鐵嘅邂逅

某個星期四嘅朝早8:05
 
我一頭亂髮、求其咁着好件裇衫西褲衝出門口，好好彩咁趕上咗平時搭開嘅一班地鐵，上氣唔接下氣咁挨喺柱邊唞返順條氣，一邊如常咁心諗「唉屌！人點解要返工呀！」。
 
望住同一個車廂入面大概都係同一班常見嘅乘客，不禁諗起人生大概就係咁無奈，每個人都係咁身不由己，我地可能可以做嘅就係苦中作樂，揾啲嘢去麻醉自己，例如係投身於感情之中。但係已經回復單身多年嘅我仍然未揾到一個靈魂伴侶，出嚟做嘢之後想識返個正正常常又冇男朋友嘅女仔又更加係難上加難，我自己又唔太鐘意交友App嗰種「覓食Feel」好重、目的性太強嘅氣氛，所以一路都出唔到Pool。
 
但係其實我都只係出咗嚟做Full-Time年半左右，講到咁又好似太嬌情。
 
去到轉車嘅時候，我突然見到一個熟悉嘅身影，一頭茶啡色、及胸嘅長髮，佢平時打扮樸素得嚟又睇得出係有襯過嘅風格，今日就係簡單嘅白色短袖貼身上衣、米色花裙，上身搭一件樸素嘅淺啡色扣鈕冷衫，加上佢靚得嚟又帶點冷漠嘅表情，佢就係我公司最近嘅新人—Loraine。雖然佢同我同一Team，但係其實暫時工作上嘅交集唔多，但係喺職場可能就係冇咁多直接利益衝突嘅同事先有結識嘅空間，加上佢係Fresh Grad，成條Team得我同佢嘅年齡係最接近，所以都叫做有啲共同話題可以吹吓水。所以佢先入咗嚟兩個星期，我都已經同佢叫做混熟咗，加上我地放工都係搭同一條地鐵線返屋企，所以間唔中我地都會一齊搭車。言談之間都Feel到佢係個唔錯嘅女仔，外型都係我鐘意嘅類型，我有時都不禁會諗，唔知有冇發展嘅機會呢。
 


而今次係我第一次喺返工之前撞到佢，呢一刻我唔知哪來嘅勇氣，決定上前同佢Say個Hello。
 
「Hi~咁啱嘅？」我若無其事咁行去佢隔離。
 
「？」佢除低Air Pods望咗我一眼，然後又戴返耳機，好似冇事發生一樣。
 
我內心嗱咗一下，難得鼓起勇氣搭出第一步，點知換嚟咁冷漠嘅反應，睇嚟都係我高估咗我地之間嘅關係，於是我默默向側邊褪開幾步，避開呢個咁尷尬嘅場景。