年輕人愛還愛，唔好盲目去愛！（真人真事）: 第一章＊相識

我好中意游水，所以一見到中學有游泳校隊，我即刻參加左。
本來都好開心，可以游水之餘，又認識到一班好好既大哥哥姐姐。
點知就係我中二個年係泳隊認識到中一既佢（佢叫黑仔）！！！！

仲記得個時選拔，全場最細粒就係佢。
佢又唔係游得快，可能個屆少人參加，所以老師都係取錄左佢。

跟操既時候，佢經常都係排我後面，所以我地經常都會有身體接觸，就係咁樣我地開始有一兩句野講下。
有一次練習完，佢同我上埋同一架巴士，因為冇位既關係，我地迫住要企埋一齊。
佢突然之間問我可唔可以借一借電話俾佢，佢話佢電話冇電喎，咁唯有借啦...無理由係師弟都唔借嫁...





之後個次放學，有人sms我，問我今日練唔練水...（個時問極都唔講點解有我電話號碼，後來佢話原來佢借左我電話去打俾自己...ok，you win！）
自此之後，我同佢開始熟左，成日會係練習個時有講有笑，老師同大哥哥們都開始不滿，因為...原來有個哥哥中意左我！！
個哥哥追我，我係知道既。
不過原來哥哥兇佢，叫黑仔唔好搞佢條女（我）之餘，老師都叫佢唔好係佢地盤溝女！！


《待續》