動漫節特別推出：《動漫世界大冒險》: 《動漫世界大冒險》第二回

第二回
呼……終於完成今天的訓練，現在可以倒在床上休息。平常看的動漫裡，很少有睡覺的鏡頭，因為睡覺算不上是劇情，只有現實才確確實實需要睡覺……的確如此！因為我明明剛躺下閉上眼，一開眼就是早上了。我根本就沒有睡過！救命呀！來到這裡我一覺都未曾真正睡過，連一個夢也未發過。要知道夢是多麼的強大和崇高，一個美夢可以支撐人的精神，能使一個頹廢沮喪的人重燃希望，重新振作。
 
唉，又要「假裝」上學。在這裡，上學和睡覺都是一樣。走進課室，坐下來，等老師點名，然後倚著玻璃窗凝望晴朗的天空……接著就下課了。每天下課就一直地獄式訓練至凌晨二時，這種生活真不容易。我決定今天要逃一回！不能讓蛭魔奴役至死，不然我就無法離開這裡！
 
我打開課室門，慢慢向外探頭，小心翼翼地環顧四周。確保周圍都沒有美式足球部的人，我才放心走出去。
 
「太一？你想去邊呀？行呢邊快啲到球場架咩？」
 
竟然是雪光學？或者是他太弱，我感受不到他的氣場。不過還好是他不是蛭魔。




 
「冇，我諗住買枝野飲先去之嘛。嘩，岩岩個堂教個啲野好難呀，乜你地學校咁勁既。」我胡扯一番。
 
「係咩？我覺得還好啦。」
 
「雪光同學，你本身係個讀書人，你呀媽又逼得你咁緊。你覺唔覺得每日咁練波好辛苦？」我認真地問。
 
「嗯，其實係好辛苦架。我以前冇乜做運動，體力及唔上你地，又唔似瀨那咁有速度，又唔似栗田咁大隻。我只係個平凡既書生。我能夠做到既就只有「不．斷．努．力」。我……好想好想……我好想同你地一齊打入全國大賽呀！！」雪光的神情由輕鬆轉為認真，而且眼泛淚光。我看得出他的眼睛裡包含了無奈、卑屈、滄桑和羨慕，但這一切都掩不住他對球隊的熱血和執著。
 
「我知道，個時「死亡行軍」，你幾度支持唔住，被隊友抬住走。但你竟然固執咁拒絕佢地既好意，獨自回頭，去到你暈低既位置再靠自己既意志重新跑。呢種意志，絕唔係我既世界既人擁有。」我打從心裡敬佩他。現實世界的人，總有著無數的藉口去放棄。原本，放棄需要勇氣，但「惰落」使人腐化，人變得不能再堅持。現實的難關、挫折甚至社會的壓力亦屢屢向人迎頭痛擊……




 
「吓？你講咩你既世界呀？」
 
「呀！冇，冇野！」動漫世界的人應該不知我來自現實世界。
 
兜了幾個圈子，我還是來到了球場……
 
「死小子！終於都黎左啦，去左邊到食屎咁耐呀！聽日我約左王城白色騎士隊黎一場友誼賽，如果輸左既話，你……唔洗旨意走呀！YA-HA！！！」蛭魔又對著我亂槍掃射。我不敢不閃避，若果在動漫世界裡中彈會真死的話，我就……
 
待續