圍城 上冊 “香港篇”: 第二十五話

第二十五話
2024年7月5日 0900時
圍城
這2日圍城都被喪屍圍攻，劉軒宇知道係黑衣人所為，只有佢地先會用喪屍攻打人類，劉軒宇知道係時候去科學園會一會寗嘉安。
狄青龍及花錦榮昨日完成探索後回到圍城。
“師父，我地真係仲係圍城附近見到黑衣人蹤影，所以依2日圍城出現嘅屍潮相信係黑衣人搞鬼，其實佢地想搞咩？”狄青龍道。
“根據返鄭捷嘅研究，相信黑衣人同瑞安有關，瑞安應該係研究病毒期間有洩漏造成全球喪屍出現，瑞安就係喪屍病毒嘅起源；你地仲記唔記我俾寗嘉安屈唔見咗嘅證物？”劉軒宇道。
“記得，你連份證物同單案係咩都未見過嘅”花錦榮答道。
“我思疑果份證物同瑞安有關，如果我無估計無，寗嘉安係喪屍爆發前就已經俾瑞安收買咗。”劉軒宇道。
同日 1000時




楊興起帶領黃漢升同魏文長連同作戰隊40人出發前往屯門工業區尋找糧食及物資。
而劉軒宇就開始巡視圍地。
圍城內已經開墾咗一大片土地用作耕作及飼養牲口；蔣刑向劉軒宇匯報種植情況及牲口數量。
之後劉軒宇到圍城倉庫，倉庫分別為凍倉存放凍肉，糧倉存放米糧，罐頭及果菜，物資倉存放燃料，鐵材及建築物資；費清亦向劉軒宇進行匯報。
然後到研究所聽鄭捷最新嘅病毒研究報告，鄭捷稱現階段病毒只屬人傳人，而病毒細胞十分活躍，長久下有細胞增新及演變情況，即係喪屍進有進化可能，但疫苗現階段仍未能製造成功。
最後再去軍械庫聽取趙世雄匯報軍械裝備及製造情況。
巡視完畢後，劉軒宇經過孫敬農為兒童建立嘅學舍，程瀟教授兒童學習，劉軒宇微笑凝望著程瀟，程瀟望住兒童之笑容令人神往。
之後又係圍城設立嘅辦公室見到吳宣儀製作圖表。
再係作坊見到孟美岐製造衣物。
同日 1400時




會所會議室
劉軒宇正與孫敬農及賈充進行商議未來戰略。
“我想2日後出發科學園，你地有無異議？”劉軒宇聚精會神望住科學園地圖說道。