圍城 上冊 “香港篇”: 第二十二話

第二十二話
2024年7月1日 2335時
經趙世雄設計下劍齒虎前瑞加裝絞肉刀，沿途絞殺追擊私家車嘅喪屍，效果顯著，頓時血肉橫飛，但沿途喪屍不斷增加，私家車抵受不住撞擊反車撞至路旁，劉軒宇即時落車用陌刀刺向圍攻私家車嘅喪屍，花錦榮，張文遠及高敬方亦加入戰團，4人形成1個小方陣，陌刀不斷刺出，前排喪屍血肉橫飛，而狄青龍係劍齒虎車頂用機槍(亦由趙世雄安裝)向後排喪屍進行掃射，此時私家車𥚃閃出1人手持八斬刀，並使出，詠春刀法。斬刀。劏刀，連斬數具喪屍。
10分鐘後戰鬥完畢，劉軒宇見到私家車閃出那人正是當年劉軒宇係孤兒院被欺凌時出手救佢嘅趙雙雙，她長修嘅身型，長黑髮及瓜子面孔，依然亮麗動人。
“雙雙，你點解會係到嘅”劉軒宇問到。
趙雙雙望了望劉軒宇“宇哥，你無事實在太好啦，我救咗2名孤兒，我本身想帶佢地返內地睇下有無人救援我地，但中途被喪屍追擊。”趙雙雙捉住劉軒宇雙手說道。
“你仲係咁鍾意路劍不平”劉軒宇笑了笑，但亦眼有淚光。
“自從有喪屍我講咩師父都唔笑，條女一講嘢就笑，係咩玩法？”狄青龍向花錦榮問道。
“我點知，你自己去問嘛”花錦榮鬆一鬆膊頭說。
之後一眾人便向圍城出發。




2024年7月2日 0130時
劉軒宇係圍牆上望向天空，“你聽日要去皇后山軍營？依架啲喪屍好恐怖，我同你一齊去”趙雙雙說。
“依次好危險，你留係到啦”劉軒宇笑道。
“程瀟，吳宣儀同孟美岐每次係你出動都好擔心你，佢地又唔識打架，幫唔到你，所以就叫我陪你去”趙雙雙用水靈般眼神哀求著。
“講唔過你，但你要跟實”劉軒宇沒好氣說。
“當日你啲格鬥技巧都係我教你嘅，你駛擔心我！”趙雙雙跳了跳便向劉軒宇住處方向走去。
“記得你話會娶我架，你唔好咁快死”趙雙雙叫道。
“依架啲女仔咁直接嘅咩”狄青龍問道。
“你問下溝緊果個女護士嘛，叫咩話，李老童？”花錦榮笑道。
“屌你，係李若童，仆街你係咪想叉鍋我溝女”狄青龍氣罵及想打花錦榮。




花錦榮即時跑走“快啲休息，聽日仲有場硬仗呀”