圍城 上冊 “香港篇”: 第二十話

第二十話
2024年7月1日 2120時
工業大廈10樓
狄青龍係電梯門打開後即時拋出響彈，大量喪屍從四面八方擁至，狄青龍即時關上電梯落7樓。
狄青龍會合劉軒宇眾人後“啲喪屍入夜後好似無咁活躍嘅”
“活躍係又怕佢襲擊你，唔活躍你又覺得奇怪，你真係好煩”花錦榮笑到。
“用剪鉗同鐵筆破門，盡量細聲啲”劉軒宇說著
狄青龍即時用剪鉗剪去倉庫鎖頭，花錦榮就用鐵筆硬撬閘門。
之後張文遠見差唔多後就一腳踢開倉門，即時有1具肥大嘅喪屍衝出撲倒張文遠，劉軒宇即時用陌刀刺向肥喪屍，肥喪屍手臂關節中刀鬆開咗張文遠，肥喪屍即時大叫及口噴出數沬液體。
“腐蝕液體，其他人去樓梯門”劉軒宇即時避開並斜閃衝向肥喪屍用陌刀刺向肥喪屍頭顱，肥喪屍一手撥開劉軒宇，劉軒宇即時飛彈埋牆，高敬方即時同花錦榮與肥喪屍遊鬥著。




張文遠起身指揮封門工作，狄青龍連弩射向肥喪屍，肥喪屍中箭但未有任何異樣。
“仆街死肥鬼咁厚肉嘅”狄青龍隨時轉換燃燒彈射入肥喪屍口部，肥喪屍頭部著火衝向劉軒宇，劉軒宇被撞擊後仍未能站起，高敬方即時撞開肥喪屍，花錦榮閃向肥喪屍側面並使出天龍斬中［破龍］，單手斜劈，肥喪屍頭顱應聲落地。
“頂你個肺，條道廊咁窄就唔好玩火啦”花錦榮怒斥道。
狄青龍吐一吐舌頭。“槍隊掩護，入倉庫關門”劉軒宇站起並下達命令。
陌刀隊即時列陣慢慢轉入倉庫內，期間不斷掃射喪屍拉開距離。
關上倉門後，發現倉庫𥚃面前方為辦公室，後方為倉庫，係倉庫窗戶見到有10數具喪屍正在咆哮，當中還有1具肥喪屍。
“喪屍動物園咩，佢地就嚟撞開啲門啦”狄青龍笑道。
“陌刀隊，今日生死一線，［列陣。刺穿］”劉軒宇冷聲發出指令。