圍城 上冊 “香港篇”: 第十七話

第十七話
2024年6月25日 0800時
圍城經過2日整合後變得更有規模及秩序，而20人陌刀隊經過2日訓練已有隊型。
“出發吧”劉軒宇帶領狄青龍，花錦榮，賈充及20人陌刀隊向天水圍出發。留下楊興起，趙世雄及孫敬農守圍城。
黑衣人係附近凝視著。
車隊到達天水圍港鐵站。“依到應該有唔少生還者係到”狄青龍根據之前到天水圍探查得出結論。
劉軒宇帶領眾人開始搜索，一眾人行至港鐵站大堂，突然［嘭］一聲。
“響彈”劉軒宇即時環視四周，發現港鐵站外四面八方開始有喪屍擁入，喪屍速度比平常飛快“盾陣”20人陌刀隊快速組織盾陣，喪屍隨即撞擊盾陣，陌刀隊隨即用陌刀刺出，頓時血花四淺，當中有人被喪屍撞開並開始噬咬。
花錦榮即時跳出盾陣使出［天龍斬］劈向喪屍頭顱，連斬數具喪屍。
“啲仆街進化咗，速度好快”狄青龍隨即用陌刀刺山，刺穿1具喪屍。




劉軒宇即時下令“靠牆，步炮協同”陌刀隊拖著傷員靠牆，花錦榮及劉軒宇帶10名陌刀隊向前斬殺喪屍，狄青龍帶其餘隊員轉用衝鋒槍掃射喪屍。
經過10分鐘後清理好喪屍，突然有數名黑衣人手持MP5係對面出口殺出向劉軒宇眾人掃射。
“搵掩護物”眾人即時閃避，劉軒宇亦即時拔槍為一眾人掩護。
“寗嘉安你出黎，我知你係度”劉軒宇叫道。
此時1黑衣人說道“劉軒宇，你係聰明人，你配合我將生還者俾我，我保你不死”
“你同瑞安咩關係？”劉軒宇叫道。
寗嘉安沒有回答並向劉軒宇方向掃射。
“你當日唔理份證物，你就可以同我一齊做嘢，但你唔聽，係要查，你都係唔死無用”寗嘉安繼續掃射。