圍城 上冊 “香港篇”: 第十三話

第十三話
2024年6月21日 2300時
貨車停泊至南邊圍祠堂外。由於貨車內層經過孫敬農特別設計，所以設有通氣口，故劉軒宇一行人可以逗留係內層。
“阿公，今次搵到依車米糧，應該可以捱到寗嘉安黎嘛”肥高說道。
“寗sir佢一定會黎，到時我地就可以過返正常生活”1名老年人回答。
“咁到時依到嘅人會點呀”肥高問道。
“關你咩事，到時有得你走咪好囉”老年人說道。
［係洪勝嘅叔父白頭四，佢同寗sir交易啲咩］劉軒宇心想中。
寗嘉安就係O記總督察，就係當日話劉軒宇遺失1份證物文件後將劉軒宇調走。
其實那份證物文件劉軒宇連見都未見過，只知係1份研究報告。




“師父，繼續等？”花錦榮問道，劉軒宇點頭。
之後就聽到黑幫開始慶祝取得米糧。
2024年6月22日 0400時
南邊圍內寧靜下來。
“出發，龍你同高敬方去開門，其餘人跟我擒賊先擒王”劉軒宇說完後，狄青龍同高敬方跑向南邊圍鐵柵門方向。
花錦榮衝入祠堂內，隨即見到2名守衛，花錦榮即時用連弩射殺該2名守衛。劉軒宇殺向祠堂左向辦公室，並見到正在熟睡的白頭四；白頭四驚醒，見到劉軒宇即係枕頭拔出手槍，劉軒宇即時反應用陌刀刀柄打落白頭四太陽穴，白頭四隨即暈到。
南邊圍外圍，趙世雄問道“孫先生，點解你胸有成竹咁嘅？”
“木馬屠城記你有無聽過，黑幫搵到依架貨車後慶祝咗成晚，佢地邊會有力同我地打，你睇，鐵柵大門打開啦。”孫敬農依舊儒雅般回答。
原來狄青龍已斬殺了鐵柵大門熟睡嘅守衞，並同高敬方打開大門。