星河幻夢

「喂，有冇時間陪我去圖書館呀？」少女彎著眉頭，眼鏡在她的臉上，風吹起佢額頭上的髮絲，令髮絲輕輕咁搖擺，她坐在椅子上，擰過身去，馬尾上面嘅黑色蝴蝶結隨風擺動，佢静静地看着眼前嘅少年，白色口罩為佢增添咗一絲嚴肅嘅感覺，如同那天上的皎月一般，係冷清，亦都係溫柔。
少年楞神了半刻，點頭回應：「嗯。」他臉上的情緒被口罩遮擋着，靦腆嘅佢好似根本諗唔到有其他句子可以應答。好似係驚人誤會咁樣，佢又連忙講多咗一句：「咁啱我都有啲圖書要還。」
「嗯，好，我等你。」少女嘅聲音依舊係甜美溫柔，但係少年知道佢以前並唔係咁樣嘅，記得佢以前好頑皮，好似有一次將其他同學嘅文具整壞⋯⋯
但依家都冇時間沉醉喺回憶之中，少年從書包入邊攞出幾本上星期喺圖書館借嘅書，嗯，都係福爾摩斯系列嘅，睇得出，少年係一個偵探小說迷。
佢用手抱住呢啲書，大概有一兩本，行出課室，同喺班房出邊嘅走廊嘅少女碰面，少女輕輕搖了搖手，說：「走啦。」
行咗五層樓梯，終於嚟到圖書館喺嘅一樓，可惜，佢哋嚟嘅唔係時候，圖書館依家仲未開，睇住其他同學排緊長龍，少女抬起手臂，睇吓掛住喺左手嘅黑色手錶，鏡片嘅反光更為佢增添咗一絲嚴肅嘅感覺。少年睇住呢一個情況，心入邊有啲震驚，佢唸：哇！原來戴眼鏡咁型咩？等之後，我肯定要買一副眼鏡。等我諗吓先，眼鏡框要係咩顏色呢，嗯⋯⋯如果係同佢一樣嘅紅色，唔得唔得太奇怪啦！我一個男仔，點可以帶粉紅色嘅眼鏡框呢？如果係黑色嘅話，咁好似有啲嚴肅，雖然有一啲神秘嘅感覺，但係我覺得白色更啱我⋯⋯
「大概仲有3分鐘。」少女的聲音不合時宜咁樣打斷咗少年嘅幻想，佢耷低頭睇吓自己嘅手錶，對比起少女嘅純黑色手錶，佢嘅企鵝圖案嘅八達通手錶就顯得十分可愛。見少女睇住自己隻手，少年默默將自己嘅手錶從右手除落嚟，將佢擺喺自己個袋入邊。
過咗幾分鐘之後，學校嘅圖書館終於開咗，還咗書之後，少年默默企喺少女嘅旁邊，佢講：「你鍾意睇咩書呀？」少女一言不發，默默搵緊自己鍾意嘅書。
少年靜静坐喺一邊，睇住關於古希臘神話嘅書，佢睇住少女搵書嘅背影，回忆起上半年嘅情景……
情不知從何而言，只知，落笔千幾次，依舊搵唔到答案，或許從一開始，佢哋之間嘅相遇就係一個錯誤嘅矛盾，從矛盾入邊誕生出來的的感情，邊度可能係啱嘅呢？




少年因為愧疚而對少女所產生出嚟嘅感情，邊度可能得到回應呢？一開始就係扭曲嘅情感，少年無比希望可以被少女懲罰，或許佢係天生嘅受虐狂，可望俾人打，俾人踩喺腳下。亦都或許係少女嘅寬容大量令到佢心裏不安，畢竟係佢嘅觀念中，做錯咗野，邊度有可能唔俾人懲罰呢？少女越寬容，少年就越覺得自己嘅虛偽同埋卑鄙，畢竟佢係一個好膽小嘅人，一道道歉，拖咗大概三四年，就算少女唔主動提及呢件事，少年都一直無法原諒當初嘅自己。
記得係某一次嘅常識堂，少女問少年：「喂，你係咪星座？」
「我唔知道。」少年講。
「咁你嘅生日係幾時？」少女又問。
少年同佢講咗自己嘅生日日期。
少女笑咗一下，講：「哈，其實我就已經知道你係咩星座，畢竟你咁内向。」
少年好奇地问：「所以我究竟係咪星座啊？」
……
突然，少年嘅回憶俾佢打斷，少女嘅手係佢眼前輕輕摇晃，少女講：「OK未，走啦。」
但其實少年並唔想借書，但係都嚟咗圖書館囉，如果唔借書嘅話仲可以做咩啊？




佢攞住三四本書，蹦蹦跳跳的上楼梯，突然之間，書全跌落喺樓梯上面……